Því miður þarf að aflýsa viðburðinum sökum ófærðar. Nýr viðburður verður auglýstur síðar

Miðvikudaginn 10. desember verður haldinn opinn fundur um þróun og framtíðahorfur íbúðarmarkaðar á Norðurlandi eystra. Fundurinn verður haldinn í húsakynnum HMS, Hafnarstræti 107 á Akureyri, kl. 12 og er opinn öllum. Að fundinum standa HMS, Tryggð byggð og Samtök sveitarfélaga á Norðurlandi eystra. 

Á fundinum verður fjallað um atvinnuþróun í landsbyggðunum, stöðuna á íbúðamarkaði og stöðu innleiðingar nýs viðmóts byggingarleyfa og næstu skref við þróun viðmótsins. 

Staðan í Akureyrarbæ 
Pétur Ingi Haraldsson, skipulagsfulltrúi Akureyrarbæjar 

Íbúðauppbygging og framtíðarhorfur 
Jón Örn Gunnarsson, sérfræðingur húsnæðisáætlana hjá HMS 

Byggingarleyfi á Íslandi – allt á einum stað 
Dagný Geirdal, verkefnastjóri Mannvirkjaskrár hjá HMS 

 Fundarstjóri verður Albertína Friðbjörg Elíasdóttir, framkvæmdastjóri SSNE. 

Húsið opnar kl. 11:45 og verður boðið upp á léttar veitingar meðan á fundi stendur. Fundargestum er boðið samtal við frummælendur eftir fundinn. 

Við bjóðum öll velkomin og hlökkum til að sjá ykkur. 

Aflýst: Þróun og framtíðarhorfur íbúðamarkaðar og byggingarmála á Norðurlandi eystra 

2025-12-09 Húsnæðismarkaðurinn á höfuðborgarsvæðinu - staða og framtíðarsýn.pptx

Þriðjudaginn 9. desember verður haldinn opinn fundur um þróun og framtíðahorfur íbúðamarkaðar á höfuðborgarsvæðinu. Fundurinn verður haldinn hjá HMS, Borgartúni 21 í Reykjavík, kl. 12 og er opinn öllum. Að fundinum standa HMS og Samtök sveitarfélaga á höfuðborgarsvæðinu. 

Á fundinum verður farið yfir stöðu íbúðamarkaðarins og kynntar niðurstöður könnunar sem HMS lét framkvæma meðal almennings um búsetuóskir helstu forgangsatriði þeirra við val á húsnæði. 

Staðan í Reykjavík 
Heiða Björg Hilmisdóttir, borgarstjóri 

Er íbúðauppbygging á höfuðborgarsvæðinu næg 
Elmar Erlendsson, framkvæmdastjóri húsnæðissviðs hjá HMS 

Óskir og væntingar um framtíðarbúsetu 
Kristín Amalía Líndal, hagfræðingur hjá HMS 

Fundarstjóri verður Ásdís Ólafsdóttir, svæðisskipulagsstjóri höfuðborgarsvæðisins. 

Við bjóðum öll velkomin á fundinn og hlökkum til að sjá ykkur. 

Húsnæðismarkaðurinn á höfuðborgarsvæðinu – staða og framtíðarsýn

Hlutverk Húsnæðis- og mannvirkjastofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- og mannvirkjastofnun

Fræðsla og forvarnir

Gögn og mælaborð

Brunavarnir

Burður

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Rb-blöð

Stofnframlög

Þjónustuflokkar

Húsnæðisbætur

Lánavefur

Öryggi mannvirkja

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

Alls voru 1.652 lóðir staðfestar árið 2025

Staðfestum lóðum fjölgar um fjórðung á milli ára

Flestar lóðir voru staðfestar í Kópavogsbæ

Alls voru staðfestar 1.652 nýjar lóðir í fasteignaskrá HMS árið 2025 og fjölgar þeim um fjórðung á milli ára. Flestar lóðir voru íbúðahúsalóðir* eða um 800 talsins, en slíkum lóðum fjölgar töluvert á milli ára. Auk þess voru skráðar 306 sumarhúsalóðir og 296 viðskipta- og atvinnuhúsalóðir.

Á myndinni hér að ofan má sjá fjölda nýskráðra lóða árið 2025 eftir öllum flokkum. Lóðir skráðar sem annað land eða einfaldlega lóð voru 164 talsins árið 2025, en líklegast er að þessar lóðir breyti um gerð þegar fram líða stundir og verði þá skráðar sem atvinnu-, sumarhúsa- eða íbúðarlóðir. 

Á árinu 2025 voru langflestar lóðir stofnaðar í Kópavogsbæ, eða 177 talsins, flestar íbúðarhúsalóðir. Næstflestar nýjar lóðir voru staðfestar í Hafnarfirði á árinu eða 91 talsins. Næst kemur Bláskógabyggð en þar voru 84 nýjar lóðir staðfestar á árinu og flestar sumarhúsalóðir.

*Athygli er vakin á því að ein íbúðarhúsalóð samsvarar ekki endilega einni íbúð, þar sem á einni lóð geta verið margar íbúðir, til dæmis í fjölbýlishúsum

Stofnaðar lóðir í fasteignaskrá árið 2025

Íbúðir í byggingu eru um 11% færri en þær voru fyrir ári síðan

63% íbúða í byggingu eru á höfuðborgarsvæðinu

Álíka margar íbúðir urðu fullbúnar á árinu 2025 og á síðustu fimm árum

Samkvæmt mælaborði íbúða í byggingu eru nú skráðar 5.900 íbúðir í byggingu víðsvegar um landið og hefur fjöldi þeirra haldist stöðugur frá síðasta mánuði en þó eru þær um 11% færri en fyrir ári síðan. Íbúðauppbygging hélt dampi í fyrra þrátt fyrir hægari sölu og hátt vaxtastig, en yfir þrjú þúsund nýjar íbúðir urðu fullbúnar á síðasta ári samkvæmt mælaborði um fullbúnar íbúðir, sem er í samræmi við fyrri ár. 

Hlutfallslega mikil uppbygging á Suðurlandi

Fjöldi íbúða í byggingu hefur haldist nokkuð stöðugur á milli mánaða, en líkt og HMS greindi frá voru 5.950 íbúðir í byggingu í byrjun desembermánaðar. Íbúðir í byggingu voru þó um 6.600 í byrjun síðasta árs.

Af þeim íbúðum sem eru í byggingu eru 63% staðsettar á höfuðborgarsvæðinu, 17% á Suðurlandi og 7% á Suðurnesjum. Til samanburðar eru 62% fullbúinna íbúða staðsettar á höfuðborgarsvæðinu, á meðan 9% þeirra eru staðsettar á Suðurlandi og 7% þeirra eru staðsettar á Suðurnesjum, samkvæmt mælaborði um fjölda íbúða og sumarhúsa. Íbúðauppbygging á ofangreindum svæðum er því hlutfallslega mest á Suðurlandi.

Byggingaráform telja 1.110 talsins en þau vísa til íbúða sem þegar hafa fengið útgefið byggingarleyfi, en þar sem framkvæmdir eru enn óhafnar. Það þýðir að verkefnið hefur fengið úthlutað lóð, hönnun er lokið og aðaluppdrættir hafa verið samþykktir af sveitarfélaginu.

Fjölgun fullbúinna íbúða er í takt við meðaltal síðustu ára

Á árinu sem var að líða urðu 3.371 íbúðir fullbúnar, sem er um 8% færri en á árinu 2024 þegar 3.665 íbúðir voru fullbúnar. Hægt er að nálgast upplýsingar um fullbúnar íbúðir eftir mánuðum og sveitarfélögum í mælaborði um fullbúnar íbúðir.

Þrátt fyrir þennan samdrátt er fjölgun fullbúinna íbúða áfram mikil í sögulegu samhengi. Sé horft til síðustu fimm ára hefur fullbúnum íbúðum að meðaltali fjölgað um 3.315 á ári sem undirstrikar að íbúðauppbygging hefur haldið dampi þrátt fyrir hægari sölu og hátt vaxtastig.

Um 60% íbúða sem urðu fullbúnar á árinu 2025 eru á höfuðborgarsvæðinu og voru flestar þeirra staðsettar í Reykjavíkurborg eða 732 talsins. Í Hafnarfjarðarkaupstað urðu 579 íbúðir fullbúnar og 398 í Garðabæ. Utan höfuðborgarsvæðisins urðu flestar íbúðir fullbúnar á Suðurlandi (14%) og Suðurnesjum (11%), en þar voru flestar íbúðirnar í Reykjanesbæ (242 íbúðir) og Sveitarfélaginu Árborg (178 íbúðir).

Færri íbúðir í byggingu en fyrir ári síðan

HMS greiddi þann 30. desember 2025 um 938 milljónir króna í húsnæðisstuðning til leigjenda vegna leigu í desember. Þessar greiðslur styðja við þúsundir heimila um land allt og miða að því að draga úr húsnæðiskostnaði efnaminni leigjenda og auka húsnæðisöryggi þeirra.

Húsnæðisstuðningurinn skiptist í tvo meginflokka. Það eru, almennar húsnæðisbætur og sérstakur húsnæðisstuðningur sveitarfélaga.  

Stærsti hluti stuðningsins eru húsnæðisbætur, sem er ætlað að lækka húsnæðiskostnað tekju- og efnaminni leigjenda. HMS greiddi um 912 milljón króna til um 17.439 umsækjenda í almennar húsnæðisbætur vegna leigu í desember.

Sérstakur húsnæðisstuðningur fyrir Kópavog og Skagafjörð

HMS greiðir einnig sérstakan húsnæðisstuðning fyrir sveitarfélögin Skagafjörð og Kópavog sem hluta af tilraunaverkefni stjórnvalda. Sérstakur húsnæðisstuðningur er á vegum sveitarfélaganna og er ætlað að styðja við þá sem eiga erfitt með að standa straum af húsnæðiskostnaði vegna fjárhagslegra og félagslegra aðstæðna. Í desember voru greiddar um 26 milljónir króna til um 1.017 umsækjenda í Kópavogi og 83 umsækjenda í Skagafirði.

Á árinu greiddi HMS samtals 11,3 milljarðir króna í húsnæðisbætur vegna ársins 2025.  Þar af voru 312 milljónir króna greiddar í sérstakan húsnæðisstuðning fyrir Kópavog og Skagafjörð. 292 milljónir króna voru greiddar vegna sértæks húsnæðisstuðnings vegna náttúruhamfara í Grindavíkurbæ og 10,9 milljarðir króna greiddar í almennar húsnæðisbætur. Alls voru um 23 þúsund heimili eða um 40 þúsund einstaklingar sem fengu greiddar almennar húsnæðisbætur á árinu. Myndin hér fyrir neðan sýnir dreifingu greiðslna á milli mánaða á árinu 2025.

Greiðsla húsnæðisbóta í desember og samantekt yfir árið 2025

Umsóknarfrestur er til og með 16. janúar og eru 458 m.kr. til úthlutunar

Lánshlutföll, tekjuviðmið og hámarksverð hækka og heimilt verður að leggja fram allt að 10% eigið fé án skerðingar

Greiðslubyrði má nema allt að 45% af ráðstöfunartekjum fyrir einstaklinga

HMS hefur opnað fyrir umsóknir um hlutdeildarlán vegna úthlutunar í janúar með rýmkuðum skilyrðum. Umsóknarfrestur er til og með 20. janúar og eru 458 milljónir króna til úthlutunar. Nánari upplýsingar um umsóknarferlið má finna á Ísland.is.

Í desember síðastliðnum voru breytingar á reglum um hlutdeildarlán samþykktar á Alþingi, sem ætlað er að auka möguleika fyrir tekjulægri fyrstu kaupendur að komast inn á fasteignamarkaðinn. Breytingarnar hafa það að markmiði að festa hlutdeildarlán í sessi og tryggja fyrirsjáanleika um úrræðið gagnvart bæði lántökum og byggingaraðilum.

Hlutdeildarlán eru veitt til kaupa á nýjum íbúðum og eru ætluð fyrstu kaupendum, sem og þeim sem ekki hafa átt fasteign síðustu fimm ár og eru undir tilteknum tekjumörkum. Markmið lánanna er að aðstoða fyrstu kaupendur við að komast inn á húsnæðismarkaðinn með því að brúa bilið við fasteignakaup.

Breytingarnar fela í sér að lánshlutfall hlutdeildarlána hækkar úr 20% í 25% af kaupverði fyrir almenn hlutdeildarlán, en úr 30% í 35% af kaupverði fyrir umsækjendur með tekjur undir lægri tekjuviðmiðum.

Allt að 10% eigið fé án skerðingar á hlutdeildarláni

Hlutdeildarlánþegum verður jafnframt heimilt að leggja til allt að 10% eigið fé til kaupanna án þess að hlutdeildarlán skerðist á móti, til að hvetja til aukins sparnaðar og minnka þörf á lántöku. Áður skertist hlutdeildarlán ef eigið fé var umfram 5% af kaupverði.

Greiðslubyrðarhlutfall einstaklinga hækkar

Hámark greiðslubyrðar af íbúðalánum í hlutfalli við ráðstöfunartekjur hækkar úr 40% í 45% fyrir einstaklinga. Hámarkið verður áfram 40% fyrir hjón og sambúðarfólk.

Tekjumörk hlutdeildarlána hækka einnig, bæði fyrir einstaklinga og hjón/sambúðarfólk. Uppfærð tekjumörk má sjá í töflunum hér að neðan.

Fyrir hvert barn á heimilinu undir 20 ára aldri hækka tekjumörkin um 2.254.000 kr.

Hámarksverð íbúða sem falla undir hlutdeildarlán hafa einnig verið hækkuð til að fjölga íbúðum sem uppfylla skilyrði lánveitinga. Hámarksverð íbúða eru mismunandi eftir landsvæðum, stærðum íbúða og fjölda svefnherbergja. Ítarlegri upplýsingar um ný hámarksverð má finna á Ísland.is.

Opnað fyrir umsóknir um hlutdeildarlán fyrir janúar

Frá og með 1. janúar 2026 er öllum leigusölum skylt að skrá húsaleigusamninga í Leiguskrá HMS. Skyldan nær til allra gildra húsaleigusamninga og er liður í að styrkja umgjörð leigumarkaðarins, auka gagnsæi og bæta aðgengi að áreiðanlegum upplýsingum.

Samhliða þessari breytingu voru gerðar breytingar á tekjuskattslögum sem fela í sér skattaafslátt fyrir einstaklinga af fjármagnstekjuskatti vegna leigutekna, að því gefnu að húsaleigusamningar séu skráðir í Leiguskrá HMS. Með þessu er leigusölum veittur hvati til að uppfylla skráningarskyldu og tryggja að upplýsingar um leigusamninga séu réttar.

HMS mun senda upplýsingar úr Leiguskrá til Skattsins til að styðja við forskráningu á framtölum. Þetta einfaldar framtalsgerð og veitir leigusölum betri yfirsýn yfir leigutekjur sínar og skráðar upplýsingar, auk þess sem það dregur úr hættu á villum eða vanframtali.

Í tengslum við þessar breytingar hefur HMS gefið út lífsviðburðinn Að leigja á island.is. Lífsviðburðinum er ætlað að veita aðgengilegar og skýrar grunnupplýsingar fyrir bæði leigjendur og leigusala, meðal annars um réttindi og skyldur aðila, gerð húsaleigusamninga og skráningu þeirra í Leiguskrá HMS. Markmiðið er að leiðbeina fólki í gegnum ferlið og styðja við öruggt og skilvirkt leigusamband.

Á vef HMS.is er jafnframt að finna gögn og mælaborð Leiguskrár, sem eru sett fram til að auðvelda aðgengi að upplýsingum um leigumarkaðinn og styðja við upplýsta ákvarðanatöku. Mælaborðin veita yfirsýn yfir stöðu og þróun leigumarkaðarins á landsvísu og eftir svæðum.

Leiguverðsjá, sem sýnir þróun leiguverðs yfir tíma og eftir landshlutum

Yfirlit yfir skráða húsaleigusamninga, meðal annars sundurliðað eftir landshlutum

Samantektargögn og tölfræði sem nýtast bæði almenningi, sérfræðingum og stjórnvöldum við greiningu á leigumarkaðinum

Með skráningu húsaleigusamninga í Leiguskrá HMS, bættri upplýsingagjöf og aðgengilegum mælaborðum, ásamt einfaldari tengingu við skattkerfið, er stigið mikilvægt skref í átt að auknu gagnsæi, betri yfirsýn og markvissari stjórnsýslu á leigumarkaði.

Skattaafsláttur til leigusala með skráningu húsaleigusamninga í Leiguskrá HMS

Nýtt fasteignamat fyrir árið 2026 tekur gildi í dag. Samkvæmt nýju fasteignamati er áætlað heildarvirði fasteigna á Íslandi 17.300 milljarðar króna, og hækkar um 9,2% frá fyrra mati.

Fasteignamat hækkar meira á landsbyggðinni en á höfuðborgarsvæðinu milli ára og áætlað virði sérbýla hækkar meira en áætlað virði íbúða í fjölbýli. Fasteignamat atvinnueigna hækkar talsvert minna en mat annarra fasteigna, en fasteignamat sumarhúsa hækkar álíka mikið og mat sérbýlisíbúða. HMS kynnti fasteignamat fyrir árið 2026 á opnum fundi í lok maímánaðar á þessu ári, en nálgast má upptöku af fundinum með því að smella hér.

Hægt er að fletta upp nýju fasteignamati fyrir einstaka fasteignir á vefnum hms.is/fasteignaskra. Frestur til að gera athugasemd við nýja fasteignamatið rann endanlega út í gær, 30. desember.

Fasteignamat á að gefa raunhæfa mynd af markaðsvirði fasteigna

Fasteignamati er ætlað að endurspegla markaðsvirði fasteigna, en fasteignamat ársins 2026 miðast við verðlag í febrúar 2025. Allar reikniaðferðir að baki fasteignamati 2026 eru útskýrðar í skýrslu sem hægt er að nálgast með því að smella á hnappinn hér að neðan.

Fasteignamatið er mikilvægt fyrir annars vegar fjármálastofnanir, sem líta til þess við lánveitingar til íbúðakaupa, og hins vegar fyrir sveitarfélög, sem miða gjaldtöku sína við það. Algengt er að fasteignagjöld séu í kringum 10 til 20 prósent af árlegum skatttekjum sveitarfélaga.

Hækkun fasteignamats hefur mismikil áhrif eftir búsetu þar sem álagningarhlutfall fasteignagjalda er mishátt eftir sveitarfélögum. Þó er vert að nefna að hærra fasteignamat þýðir ekki endilega hærri fasteignagjöld sem eigandi þarf að greiða þar sem sveitarfélög geta breytt álagningarhlutfalli sínu milli ára.

Nýtt fasteignamat tekur gildi: Áætlað heildarvirði er 17,3 billjónir króna

Gefið hefur verið út hefur gefið út nýtt Rb-leiðbeiningablað sem fjallar um niðurlögn og aðhlúun steinsteypu.

Í blaðinu er lögð áhersla á hvernig megi tryggja gæði, styrk og endingu steypu með vönduðum vinnubrögðum, réttri meðhöndlun, víbrun og aðhlúun hennar á hörðnunartíma. Fjallað er um helstu áhættuþætti á framkvæmdatíma, eins og áhrif veðurs, of mikil fallhæð í uppsteypu og rétta víbrun.

Markmið blaðsins er að styðja við fagfólk í byggingariðnaði með hagnýtum leiðbeiningum, til að tryggja góða og örugg vinnubrögð.
Blaðið var unnið í samvinnu með sérfræðingum á markaði sem starfa við gerð steyptra mannvirkja.

Nýtt Rb-leiðbeiningablað:  Niðurlögn og aðhlúun steinsteypu

Mest skoðað

Frá og með 1. janúar 2026 mun skráningarskylda leigusamninga í Leiguskrá HMS ná til allra sem leigja út húsnæði til íbúðar.

Leiguskrá HMS

Viðburðir á vegum HMS

Hlutverk Húsnæðis- og mannvirkjastofnunar er að vernda líf og heilsu, eignir og umhverfi með því að tryggja virkt eftirlit með gæðum og öryggi í mannvirkjagerð, brunavörnum, minnkun vistspors og réttleika skráningar fasteigna.