Þriðjudaginn 24. febrúar kl 10:00 verður haldinn opinn fundur um Húsnæðismarkaðinn og framtíðarhorfur á Norðurlandi eystra. Fundurinn verður haldinn í húsakynnum HMS á Akureyri, Hafnarstræti 107.


Ásthildur Sturludóttir, bæjarstjóri Akureyrarbæjar

Húsnæðismarkaðurinn á Norðurlandi eystra - staða og framtíðarhorfur

Jónas Atli Gunnarsson, yfirhagfræðingur hjá HMS

Ragnar Þór Ingólfsson, félags- og húsnæðismálaráðherra

Fundarstjóri verður Albertína Friðbjörg Elíasdóttir, framkvæmdarstjóri SSNE

Húsið opnar kl. 9:45 og verður boðið upp á léttar veitingar meðan á fundi stendur.

Húsnæðismálin á Norðurlandi - Staða, stefna og framtíðarhorfur

Housing benefit takes the form of monthly payments intended to assist those who rent residential premises, whether this is within the socially-assisted housing system, in student residences or on the open rental market. The Housing and Construction Authority handles the implementation of the Housing Benefit Act, No. 75/2016, and takes decisions regarding entitlement to housing benefit.

Húsnæðis- og mannvirkjastofnun

Mælaborð

Vefþjónustur

Mánaðarskýrsla HMS

Útgefið efni

Grunngögn til niðurhals

Vefsjár fasteigna

Gögn og mæliborð

Eignin mín

Lán til einstaklinga

Starfsleyfi og löggildingar

Húsnæðisbætur og leigumál

Rafmagnsöryggi

Umsóknir og eyðublöð

Ísland.is

Housing benefits

Loan site

Öryggi mannvirkja

Um HMS

Upplýsingar

Fréttir og tilkynningar

Mælanleg gögn

Contact us

Hafðu samband

Samkvæmt frétt HMS sem birt var 7. mars 2024 líkur tveggja ára aðlögunartíma vegna breytts verklags við staðfestingu á nothæfi brunahólfandi innihurða 1. apríl næst komandi. 
Falla  þá úr gildi allar staðfestingar sem ekki uppfylla kröfur hins nýja verklags, að aðlögunartímanum liðnum þurfa allar umsóknir að uppfylla skilyrði annars hvors eftirfarandi þátta, eftir því sem við á.

Staðfesting á nothæfi (fyrir þarf að liggja):
1. Yfirlýsing um nothæfi 
2. Skýrsla um gerðarprófun
3. Leiðbeiningar um notkun og upplýsingar um öryggi
4. Umboð frá framleiðanda (á við ef annar aðili en framleiðandi hurðar óskar staðfestingar á nothæfi)

Gagnkvæm viðurkenning gagna (fyrir þarf að liggja):
1. Staðfesting á nothæfi frá viðurkenndum aðila á EES svæðinu
2. Yfirlýsing um nothæfi 
3. Leiðbeiningar um notkun og upplýsingar um öryggi á íslensku
4. Skýrsla um gerðarprófun (heimilt að kalla eftir)

Stað­fest­ing á not­hæfi bruna­hólfandi inni­hurða

Breytt verklag við staðfestingu brunahólfandi innihurða tekur gildi 1. apríl

HMS undirritaði viljayfirlýsingu með félags- og húsnæðismálaráðherra og sveitarfélögum um öfluga húsnæðisuppbyggingu á landsbyggðinni

Húsnæðismarkaðurinn á Akureyri hefur verið virkari en á höfuðborgarsvæðinu þrátt fyrir að aðgengi fyrstu kaupenda hafi verið minna

Ný húsnæðisáætlun Akureyrarbæjar gerir ráð fyrir áframhaldandi íbúafjölgun og mikilli íbúðaþörf til næstu tíu ára

Opinn fundur um húsnæðismál á Norðurlandi eystra var haldinn á skrifstofu HMS á Akureyri í dag. Á fundinum undirritaði Ragnar Þór Ingólfsson, félags- og húsnæðismálaráðherra, viljayfirlýsingu með HMS og Sambandi íslenskra sveitarfélaga um öfluga húsnæðisuppbyggingu um allt land.

Markmiðið er að styðja við fjölbreyttar lausnir á landsbyggðinni

Fundurinn var vel sóttur, en á honum fór Ásthildur Sturludóttir, bæjarstjóri Akureyrar, einnig yfir nýjustu húsnæðisáætlun bæjarins, auk þess sem HMS greindi frá stöðu og þróun húsnæðismarkaðarins í landshlutanum.

Markmið viljayfirlýsingarinnar sem ráðherra undirritaði er að styðja við fjölbreyttar húsnæðislausnir í byggðakjörnum utan höfuðborgarsvæðisins. Jafnframt er lögð áhersla á að styðja við byggingu íbúðarhúsnæðis fyrir alla hópa samfélagsins í samræmi við þá íbúðaþörf sem húsnæðisáætlanir sveitarfélaganna gera ráð fyrir.

„Samstarf milli opinberra aðila er forsenda öflugrar húsnæðisuppbyggingar um land allt,“ segir Ragnar Þór Ingólfsson, félags- og húsnæðismálaráðherra. „Markmiðið með viljayfirlýsingunni er að auka aðgengi fyrstu kaupenda á landsbyggðinni að íbúðum sem falla undir hlutdeildarlán og efla leigumarkaðinn utan höfuðborgarsvæðisins. Hvort tveggja er afar mikilvægt. Einnig er mikilvægt að stuðla að uppbyggingu á svokölluðum köldum markaðssvæðum.“

Virkur markaður á Akureyri en aðgengi fyrstu kaupenda minna

Húsnæðismarkaðurinn á Akureyri hefur verið virkari en á höfuðborgarsvæðinu, ef tekið er tillit til stærðar markaðssvæðanna. Tæplega 9% fasteigna á Akureyri gengu kaupum og sölu á síðasta ári, samanborið við 7% á höfuðborgarsvæðinu.

Aðgengi fyrstu kaupenda að húsnæðismarkaðnum hefur hins vegar verið minna á Akureyri. Fyrstu kaupendur koma að fjórða hverjum kaupsamningi á Akureyri, en um þriðja hverjum kaupsamningi á höfuðborgarsvæðinu. Á sama tíma eru helmingi fleiri vannýttar íbúðir á Akureyri en á höfuðborgarsvæðinu, en þar á meðal eru orlofsíbúðir á vegum stéttarfélaga eða aukaíbúðir sem engin langtímabúseta er í.

Samkvæmt nýrri húsnæðisáætlun Akureyrar er búist við að íbúum sveitarfélagsins muni fjölga um 200-250 á hverju ári og að þörf sé á uppbyggingu tæplega 200 íbúða á hverju ári á tímabilinu 2026-2035. Í fyrra urðu hins vegar aðeins 104 íbúðir fullbúnar í sveitarfélaginu.

Hægt er að nálgast glærur af kynningu HMS á fundinum með því að smella  á hnappinn hér að neðan.

2026-02-23 Húsnæðismál á Norðurlandi eystra JAG.pptx

Staða húsnæðismála á Norðurlandi eystra

Fjölbreyttar lausnir í byggðakjörnum utan höfuðborgarsvæðisins

Ný krafa um lífsferilsgreiningu (LCA) tók gildi í september 2025 sem skilyrði fyrir byggingarleyfi og markar tímamót í gagnadrifinni stýringu kolefnisspors mannvirkja

Steinsteypa vegur þungt í kolefnisspori bygginga, en með markvissri hönnun, breyttum forskriftum og betri efnisnýtingu er hægt að ná verulegum samdrætti

Innleiðing LCA skapar bæði áskoranir og tækifæri fyrir steinsteypuiðnaðinn – aukið gagnsæi, nýsköpun og þróun lágkolefnislausna til framtíðar

Krafa um lífsferilsgreiningu við útgáfu byggingarleyfa markar tímamót í íslenskri mannvirkjagerð. Hún gerir kolefnisspor sýnilegt, styður við markvissari efnisnotkun og beinir athyglinni að þeim ákvörðunum sem skipta miklu máli. Fyrir steinsteypugeirann felur þetta ekki aðeins í sér áskorun, heldur einnig skýrt tækifæri til að þróa betri lausnir, efla samkeppnishæfni og leggja sitt af mörkum til sjálfbærari byggðar.

Tækifæri og áskoranir fyrir steinsteypuiðnaðinn

Byggingariðnaðurinn stendur á tímamótum. Auknar kröfur um sjálfbærni, gagnsæi og ábyrgð kalla á ný vinnubrögð, þar sem ákvarðanir byggja í auknum mæli á gögnum fremur en hefð. Mikilvæg breyting tók gildi í september 2025, krafa um lífsferilsgreiningu sem skilyrði fyrir útgáfu byggingarleyfis. Með þessari kröfu er stigið stórt skref í átt að gagnadrifnum og markvissari aðgerðum til að draga úr kolefnisspori mannvirkja á Íslandi.

Steinsteypa gegnir lykilhlutverki í íslenskri mannvirkjagerð bæði fyrir uppbyggingu mannvirkja og innviða. Þar liggja jafnframt gríðarleg tækifæri til úrbóta. Innleiðing LCA veitir sameiginlegt mælitæki sem gerir kolefnisspor sýnilegt, samanburðarhæft og umfram allt stýranlegt. Því er mikilvægt að steinsteypuiðnaðurinn tileinki sér verklag þar sem áhersla er lögð á lífsferilsgreiningar og samdrátt kolefnisspors mannvirkja. LCA-innleiðingin veitir okkur tól til að mæla kolefnisspor sem býr til grundvöll og hvata fyrir hönnun með lægra kolefnisspor.

Hvað er LCA í mannvirkjagerð? – Aðferðafræði til að meta umhverfisáhrif bygginga

LCA er kerfisbundin aðferð sem metur umhverfisáhrif byggingar yfir allan lífsferil hennar, frá hráefnavinnslu og framleiðslu efna til byggingarframkvæmdar, reksturs, viðhalds, og að lokum niðurrifs og förgunar eða endurnýtingar efna. Markmiðið er að leggja mat á heildaráhrif byggingarinnar.

Með því að láta LCA verða hluta af hönnunarferlinu verður hægt að meta umhverfisáhrif fyrr í ferlinu, ekki eftir á. Þetta skapar hvata og svigrúm til að bera saman lausnir og velja lausnir sem draga úr kolefnisspori byggingarinnar.

Stefnt er að því að setja kröfu um skil á LCA við lokaúttekt mannvirkja árið 2027. Þar með verður hægt að safna gögnum um raunverulegt kolefnisspor mannvirkja á Íslandi, að teknu tilliti til breytinga á hönnunartíma og framkvæmd. Að auki er stefnt að því að setja hámarksgildi á losun mannvirkja þegar krafan um seinni skil bætist við.

Hvers vegna vegur steypa þungt í kolefnisspori bygginga?

Rannsóknir og reynsla sýna að oft megi rekja um 50–60% af innbyggðu kolefnisspori hefðbundinna mannvirkja til steypu. Það er mikilvægt að átta sig á því hvaða þættir í framleiðslu og notkun steinsteypu valda mestu kolefnisspori, eftirfarandi eru helstu þættir:

Sement – Framleiðsla sements er losunarfrekt ferli. Losun verður bæði vegna efnahvarfa við afkölkun kalksteins og vegna mikillar orkuþarfar við brennslu í ofnum sem ná um 1450°C.

Járnabinding. Framleiðsla stáls eykur kolefnisspor steyptra byggingarhluta með járnabindingu.

Of mikil varfærni í hönnun. Hefðbundin hönnun, öryggismörk og of stífar forskriftir geta leitt til óþarfa steypunotkunar, óþarfa járnabindingar og notkun steypu með meiri styrk en raunverulega er þörf á.

Mikið magn. Steypa er notuð í mjög miklu magni í byggingum, meðal annars í undirstöðum, plötum, burðarvirkjum og veggjum. Þrátt fyrir tiltölulega lága losun á hvert kíló miðað við t.d. stál, leiðir heildarmassi steypunnar til mikillar heildarlosunar.

Takmarkað svigrúm til efnisskipta í burðarvirkjum. Burðarþols- og endingarkröfur leiða oft til þess að steypa er eini raunhæfi valkosturinn og setja einnig skorður á hversu mikið má draga úr sementsmagni, sérstaklega í burðarhlutum og undirstöðum.

Kröfur um hraða og byggingaraðferðir. Hröð byggingarframkvæmd krefst oft meiri sementsnotkunar eða hraðharðnandi bindiefna, sem eykur losun.

Þessir þættir sýna að kolefnisspor steypu ræðst ekki aðeins af efninu sjálfu, heldur einnig af hönnunarákvörðunum, forskriftum og framkvæmd.

Helstu leiðir til að draga úr kolefnisspori steypu í byggingum

LCA greiningar sýna að verulegur samdráttur í kolefnisspori steypu er mögulegur án þess að fórna burðarþoli, endingargæðum eða hagkvæmni. Meðal helstu aðgerða eru:

1)      Blöndun steypu með lægra sements- og klinkerhlutfalli. Vel hönnuð steypublanda getur dregið verulega úr losun án þess að skerða eiginleika.

2)      Betri efnisnýting. Með markvissri hönnun má draga úr heildarmagni steypu, til dæmis með skilvirkari burðarvirkjum, grennri burðarhlutum og betri nýtni efnis.

3)      Val á viðeigandi steypublöndu og styrk fyrir mismunandi hlutverk. Steypa er oft forskrifuð með meiri styrk eða endingareiginleikum en nauðsynlegt er. Að laga blöndur nákvæmlega að álags- og umhverfisskilyrðum gerir kleift að minnka sementsmagn og auka hlutfall íblöndunarefna.

4)      Bætt framkvæmd og stýring hörðnunar. Með minni kröfum um hraða hörðnun steypu opnast svigrúm til aukinnar notkunar bindiefna með lægra kolefnisspor. Góð gæðastýring í framkvæmd dregur jafnframt úr sóun.

Þetta sýnir að stór hluti lausnanna liggur í samspili hönnunar, efnisvals og framkvæmdar.

Innleiðing LCA-kröfunnar – hvað þýðir hún fyrir steinsteypuiðnaðinn?

Krafan um lífsferilsgreiningar hefur áhrif á alla virðiskeðjuna. Fyrir steinsteypugeirann birtast áhrifin meðal annars í:

·       Auknum hvata til að draga úr klinkerhlutfalli í steypu. Hönnuðir og verktakar munu í auknum mæli óska eftir sementslausnum með lægra kolefnisspor, aukinni notkun íblöndunarefna og endurunnum fylliefnum sem uppfylla gæðakröfur.

·       Aukinni þörf fyrir áreiðanleg gögn. LCA kallar á staðlaðar umhverfisyfirlýsingar (EPD), rekjanleika hráefna og að gögn séu tiltæk á rafrænu, stöðluðu formi.

Þetta eykur gagnsæi, styrkir traust og skapar hvata til vöruþróunar og nýsköpunar.Innleiðing LCA-kröfunnar – hvað þýðir hún fyrir steinsteypuiðnaðinn?

Auknum hvata til að draga úr klinkerhlutfalli í steypu. Hönnuðir og verktakar munu í auknum mæli óska eftir sementslausnum með lægra kolefnisspor, aukinni notkun íblöndunarefna og endurunnum fylliefnum sem uppfylla gæðakröfur.

Aukinni þörf fyrir áreiðanleg gögn. LCA kallar á staðlaðar umhverfisyfirlýsingar (EPD), rekjanleika hráefna og að gögn séu tiltæk á rafrænu, stöðluðu formi.

Þetta eykur gagnsæi, styrkir traust og skapar hvata til vöruþróunar og nýsköpunar.

Innleiðing LCA skapar einnig tækifæri. Á Íslandi eru forsendur fyrir þróun umhverfisvænni steinsteypulausna, meðal annars vegna hreinnar raforku, stuttra flutningsleiða og öflugs samstarfs iðnaðar, háskóla og opinberra aðila. Auknar kröfur um gögn og greiningar geta:

eflt rannsóknir á lágkolefnissteypu og endurnýtingu steypu

stutt við þróun staðbundinna íblöndunarefna

bætt stafræna verkferla og gæðastjórnun

Steinsteypugeirinn getur þannig verið í fararbroddi í umbreytingu mannvirkjagerðar til framtíðar.

Nánari upplýsingar um LCA aðferðafræðina skv. kröfu í byggingarreglugerð er að finna á leiðbeiningavef HMS, https://hms.is/lifsferilsgreining. Fyrirspurnir varðandi lífsferilsgreiningar má senda á lca@hms.is.

Lífsferilsgreiningar (LCA – Life Cycle Assessment): Krafa í byggingarreglugerð

Ný sameinuð stofnun heitir Húsnæðis-, mannvirkja- og skipulagsstofnun og er skammstöfuð HMS

Allur ferill mannvirkjagerðar er nú á höndum einnar stofnunar

Markmið sameiningar er að efla getu hins opinbera í skipulags- og húsnæðismálum

Alþingi hefur samþykkt lög sem fela í sér sameiningu Húsnæðis- og mannvirkjastofnunar og Skipulagsstofnunar í eina öfluga stofnun á sviði húsnæðis-, mannvirkja- og skipulagsmála. Með sameiningunni flyst starfsemi Skipulagsstofnunar inn í sameinaða stofnun.

Fyrir sameiningu störfuðu um 150 starfsmenn hjá Húsnæðis- og mannvirkjastofnun á þremur starfsstöðvum víðs vegar um landið, og um 25 starfsmenn hjá Skipulagsstofnun. Með sameiningunni eru starfsmenn Skipulagsstofnunar orðnir hluti af nýrri og stærri stofnun sem ber nú heitið Húsnæðis-, mannvirkja- og skipulagsstofnun (HMS).

Sameiningin felur í sér að allur ferill mannvirkjagerðar, frá fyrsta stigi skipulags til fullbúins mannvirkis, er á höndum einnar stofnunar. Markmiðið er að efla getu hins opinbera í skipulags- og húsnæðismálum, auka yfirsýn, styrkja tengsl við sveitarfélög og skapa heildstæðari og skilvirkari stjórnsýslu.

Félags- og húsnæðismálaráðherra leggur áherslu á að sameiningin styrki stoðir málaflokksins og mæti auknum kröfum samfélagsins um yfirsýn í þróun byggðar, sjálfbæra landnotkun og ráðstöfun auðlinda á sama tíma og dregið verður úr tvíverknaði og samþætting eykst.

HMS fagnar sameiningunni og lítur á hana sem tækifæri til að efla þjónustu, styrkja faglega hæfni innan stofnunarinnar og tryggja heildstæða nálgun á öllum stigum skipulags- og mannvirkjagerðar með enn öflugra teymi starfsmanna.

Félags- og húsnæðismálaráðherra hyggst setja stefnu á landsvísu um málefni þeirra sem búa við heimilisleysi eða aðrar óviðunandi húsnæðisaðstæður undir formerkjum hugmyndafræðinnar húsnæði fyrst

Reykjavíkurborg hefur verið leiðandi afl í málefnum heimilislausra og unnið eftir stefnu og Housing First hugmyndafræðinni frá árinu 2018

Húsnæðisáætlanir, stofnframlög og húsnæðisbætur eru mikilvæg verkfæri til að greina og fjármagna húsnæðiskosti fyrir heimilislausa

HMS stóð fyrir opnum fundi um heimilisleysi á Íslandi í samstarfi við EXIT – samráðsvettvang um leið út úr afbrotum. Að EXIT standa Ríkislögreglustjóri í samstarfi  við Fangelsismálastofnun og um 20 aðra aðila.

Á fundinum var fjallað um heimilisleysi á Íslandi, hver er staðan og hvað hefur verið gert. Fjallað var um Housing first hugmyndafræðina, Y-stofnunina í Finnlandi og áfangaheimili. Fram komu sjónarmið HMS, Búsetubrúar Kvennaathvarfsins og Verndar. Upptöku af fundinum má nálgast neðst í þessari frétt.

Ragnar Þór Ingólfsson, félags- og húsnæðismálaráðherra sagði í ávarpi sínu á fundinum: „Það er mér sönn ánægja að tilkynna það hér að ég hyggst sem ráðherra halda áfram þeirri vinnu sem aðgerðahópurinn hóf með því að setja stefnu á landsvísu um málefni þeirra sem búa við heimilisleysi eða aðrar óviðunandi húsnæðisaðstæður undir formerkjum hugmyndafræðinnar húsnæði fyrst. Þetta er hluti af aðgerðapakka stjórnvalda og við munum væntanlega tilkynna það mjög fljótlega hvernig við munum standa að þessu, bæði með sérstökum aðgerðahópi og átaki til þess að koma þessari vinnu á fullt skrið. Þar þurfa allir hlutaðeigandi að koma saman að verkefninu af því það er ekki nóg að tryggja viðunandi húsnæði heldur þarf samhliða því að tryggja að öflug þjónusta sé til staðar fyrir þau sem þess þurfa til að vinna að áframhaldandi bata og endurhæfingu og virkni.“

Soffía Hjördís Ólafsdóttir, deildarstjóri hjá Reykjavíkurborg upplýsti um stöðuna á Íslandi og starf Reykjavíkurborgar. „Reykjavíkurborg hefur síðastliðin ár skuldbundið sig, með stefnu og aðgerðaáætlunun frá árinu 2018, til að tryggja fólki mannréttindi til húsnæðis og stuðning við hæfi. Borgin rekur neyðarþjónustu með rekstri neyðarskýla, öflugu vettvangsstarfi og húsnæðisstuðningi til fjölda íbúa sem hafa langvarandi reynslu af heimilisleysi. Með þverpólitískri samstöðu, virku notendasamráði, reynslu starfsmanna, aðkomu sérfræðinga, innlendu og erlendu samstarfi, höldum við ótrauð áfram að vinna að bættum lífsskilyrðum fyrir einstaklinga sem glíma við heimilisleysi. Við viljum fá fleiri með okkur í lið og bindum vonir við öflugri ríkisstefnu varðandi heimilisleysi og víðtækara og formfastara samstarf leitt af ríki“ sagði Soffía Hjördís.

Í erindi Lísu Margrétar Sigurðardóttur, lögfræðings hjá félags- og húsnæðismálaráðuneytinu kom fram að það var ákveðinn hópur í Finnlandi sem þurfti miklu virkari úrræði til að vinna sig út úr heimilisleysi. Finnland ákvað að taka af skarið og vera fyrirmynd um hugmyndafræði og aðgerðaáætlun til að útrýma heimilisleysi eigi síðar en árið 2027 og hafa þeir lyft grettistaki í málaflokknum. Skilgreining á heimilisleysi nær ekki bara til að útrýma heimilisleysi í þröngum skilningi þar sem fólk býr á götunni, heldur einnig t.d. fólk sem býr inn á vinum og ættingjum. Finnlandi hefur tekist að draga úr fjölda heimilislausra um 81% frá árinu 1985. Þeir líta á það sem grundvallarmannréttindi að allir eigi að hafa aðgang að húsnæði, einnig fólk  með miklar þjónustuþarfir og alvarlegan fíknivanda. Það er áhersla á að úrræðið sé varanlegt og því er gerður ótímabundinn leigusamningur við viðkomandi.

Eygló Harðardóttir, verkefnisstjóri hjá Ríkislögreglustjóra fjallaði um Y-stofnunina í Finnlandi sem er stærsti óhagnaðardrifni leigusali Finnlands með 1900 íbúðir. Stofnunin var sett á stofn árið 1985 til að takast á við húsnæðisskort og heimilisleysi. Markmið félagsins er að útrýma heimilisleysi í Finnlandi með Housing first hugmyndafræðinni. Húsnæði er hugsað sem mannréttindi og grunnur lífsgæða. 4/5 af þeim sem nýta þjónustuna ná stöðugleika og varanleika í að halda húsnæði. Mældur sparnaður við að beita þessari aðferðafræði nemur um 2 – 2,5 milljónum á ári. Mikið af verkefnum lögreglunnar og bráðamóttökunnar hérlendis eru stuðningur við þennan hóp og þar eru fjármunir sem sparast þegar þessari aðferðafræði er beitt. Y stofnunin er fjármögnuð með leigutekjum, ríkisstyrkjum frá Ara, styrkjum frá STEA sjóði og bankalánum til fjárfestinga í kaupum og uppbyggingu nýs húsnæðis.

Drengur Óla Þorsteinsson, lögfræðingur hjá HMS fjallaði um innihald og niðurstöður skýrslu verkefnahóps HMS um áfangaheimili. En HMS hefur lögbundið hlutverk gagnvart áfangaheimilum, sér í lagi þegar kemur að brunavörnum og húsnæðisbótum. Skýrsluna í heild sinni má nálgast með því að smella á hnappinn hér að neðan.

Áfangaheimili - skýrsla HMS - 2025.pdf

Anna Guðmunda Ingvarsdóttir, aðstoðarforstjóri HMS fjallaði um sjónarmið HMS, benti á aðgerð 3.13 í húsnæðisstefnu sem fjallar um húsnæði fyrir heimilislaust fólk og þá stóru yfirlýsingu ráðherra á fundinum að við ætlum að setja stefnu í málefnum fyrir heimilislaust fólk á landsvísu. Verkfæri HMS til að gera stefnu að veruleika eru húsnæðisáætlanir sem eru tæki til að greina stöðuna, gera áætlanir og fylgja eftir stefnu. Reykjavíkurborg er í fararbroddi sveitarfélaga á landsvísu með skýra stefnu og aðgerðaáætlun og við höfum húsnæðisáætlanir sem tæki til að gera þetta á landsvísu. Einnig hefur HMS stofnframlög til uppbyggingar íbúða fyrir tekju- og eignalága, hið svokallaða almenna íbúðakerfi sem Bjarg, Brynja, Arnrún hses. (búsetubrú Kvennaathvarfsins) og Félagsbústaðir hafa nýtt sem fjármögnunartæki.

Linda Dröfn Gunnarsdóttir, framkvæmdastýra búsetubrúar Kvennaathvarfsins greindi frá því að þau vinna með markmið um að koma í veg fyrir heimilisleysi skjólstæðinga sinna. Þau hafa rekið Kvennaathvarfið í yfir 40 ár fyrir konur og börn sem þurfa að flýja heimili sín. Þau bjóða upp á trygga búsetu og stuðning. Einungis 11-14% kvenna fara til baka í óbreytt ástand og það er mikil fækkun frá því sem áður var. Uppbygging nýs Kvennaathvarfs er í farvatninu hjá þeim. Samfélagið hefur staðið  bakvið málaflokkinn með söfnunum og eins nýta þau stofnframlög ríkis og sveitarfélaga til uppbyggingar.

Þráinn Farestveit, framkvæmdastjóri fangahjálparinnar Verndar fjallaði um starfsemi Verndar. Vernd hefur verið starfandi í 67 ár og búið til skjól fyrir þá sem hafa vistast í fangelsi og er brú í húsnæði og líf eftir fangelsisvist. Stærsti hluti þeirra sem eru í fangelsi eru heimilislausir að afplánun lokinni, 40% hafa ekki að neinu að hverfa og 20% eru hjá foreldrum. Vernd er einstakt úrræði í Skandinavíu og byggir á skilyrtri fullnustu. Hluti af fullnustu er tekin út á Vernd þar sem fangar fá húsnæði, atvinnu og taka þátt í lífinu. Vernd hjálpar þeim að koma af stað út í lífið með atvinnuþátttöku og stöðguleika sem úrræðið býður upp á. Allir á Vernd eru í virkni, starfsendurhæfingu, meðferð eða atvinnu, þeir skrifa undir samning sem þeir fylgja og uppfylla hann. Enginn fer frá Vernd nema vera kominn með húsnæði.

Ráðherra hyggst setja stefnu um málefni heimilislausra á landsvísu

Þrjár af hverjum fjórum íbúðum seldust á verði sem var lægra en auglýst söluverð í desember síðastliðnum

Færst hefur í aukana að nýjar íbúðir seljist undir auglýstu söluverði á allra síðustu mánuðum

Hlutfall íbúða sem seljast undir auglýstu söluverði er enn lægra en það var fyrir 2020

Hlutfall íbúða sem seljast undir auglýstu söluverði hefur leitað upp á við undanfarna mánuði á sama tíma og hægt hefur á verðhækkunum og kólnað hefur á markaðnum að mati fasteignasala. Þetta kemur fram í nýjustu mánaðarskýrslu HMS fyrir febrúarmánuð, sem nálgast má hér.

Í desember síðastliðnum seldust tæplega 74% íbúða á landsvísu á verði sem var lægra en auglýst söluverð. Á allra síðustu mánuðum hefur jafnframt orðið áberandi aukning í hlutfalli nýrra íbúða sem seljast undir auglýstu söluverði á höfuðborgarsvæðinu. Hlutfallið hefur þó oft verið hærra, sér í lagi áður en vextir lækkuðu í kjölfar heimsfaraldurs.

Undirboð færast í aukana á höfuðborgarsvæðinu

Um þrjár af hverjum fjórum íbúðum seldust undir auglýstu söluverði í desember, en hlutfall íbúða sem seljast undir auglýstu söluverði hefur farið vaxandi undanfarin misseri. Hlutfallið hríðlækkaði á lágvaxtatímabilinu 2020-2022 en tók að hækka á ný með hækkandi vöxtum og hertum lánþegaskilyrðum. Eldsumbrotum nálægt Grindavík fylgdu aukin umsvif og hlutfall íbúða sem seldist undir ásettu verði fór lækkandi fram að haustinu 2024, en síðan þá hefur hægt á íbúðaverðshækkunum og undirboð færst í aukana á ný.

Á höfuðborgarsvæðinu hefur hlutfall íbúða sem seljast undir auglýstu söluverði farið hækkandi frá miðju ári 2024 og í desember síðastliðnum var hlutfallið komið upp í 70% á svæðinu. Hlutfallið var þó nokkuð hærra (75-80%) á árunum 2013 til 2019, að frátöldu árinu 2017.

Í nágrenni höfuðborgarsvæðisins og annars staðar á landsbyggðinni selst yfirleitt hærra hlutfall íbúða undir ásettu verði samanborið við á höfuðborgarsvæðinu. Þar hefur þó ekki orðið skýr hækkun á hlutfallinu undanfarið ár líkt og á höfuðborgarsvæðinu.

Nýjar íbúðir seljast í auknum mæli undir auglýstu verði

Rúmlega helmingur þeirra nýju íbúða sem seldust á höfuðborgarsvæðinu í desember síðastliðnum seldust á verði sem var lægra en auglýst söluverð. Hlutfall nýrra íbúða sem seljast undir auglýstu söluverði á höfuðborgarsvæðinu hefur hækkað talsvert á allra síðustu mánuðum og hefur ekki mælst hærra á svæðinu síðan um mitt ár 2023. Á þeim tíma hafði hægt verulega á íbúðaverðshækkunum samhliða hækkandi vaxtastigi, áður en Grindavíkuráhrifin fóru að segja til sín.

Myndin hér að neðan sýnir þriggja mánaða hlaupandi meðaltal á hlutfalli íbúða sem seljast undir auglýstu söluverði. Samkvæmt henni fór hlutfallið fyrir nýjar íbúðir á höfuðborgarsvæðinu lægst niður í 25% um mitt ár 2024, en hækkaði svo á haustmánuðum sama árs. Á fyrstu þremur ársfjórðungum 2025 hélst hlutfallið stöðugt í kring um 35%, en hefur hækkað hratt á allra síðustu mánuðum.

Um þrjár af hverjum fjórum eldri íbúðum á höfuðborgarsvæðinu seldust undir auglýstu söluverði í desember síðastliðnum, en hlutfallið hefur leitað upp á við frá miðju ári 2024 þegar Grindavíkuráhrifin náðu hámarki. Hlutfallslega færri íbúðir seljast þó undir auglýstu söluverði nú samanborið við á árinu 2019.

Nýjar íbúðir seljast í auknum mæli undir auglýstu söluverði

HMS hefur endurvakið útgáfu á Rb-blöðunum, sem eru tækni- og leiðbeiningablöð um mannvirkjagerð. Viðfangsefni Rb-blaðanna hafa verið fjölbreytt í gegnum tíðina. Í tengslum við útgáfu nýrra blaða endurútgefur HMS, í lok hvers mánaðar, eldri blöð sem fjalla um málefni líðandi stundar.

Rb-blað mánaðarins flokkast undir sérrit og fjallar um viðhaldsþörf húsa á Íslandi.

Blaðið var gefið út í september 2010 og eru höfundar Benedikt Jónsson, verkfræðingur, og Björn Marteinsson, arkitekt og verkfræðingur. Ritið er úrdráttur og nokkuð einfölduð framsetning á skýrslu nr. 97-14 „Ástand mannvirkja og viðhaldsþörf, sem gefin var út af Rannsóknarstofnun byggingariðnaðarins í desember 1997. Þar að auki er gerð betri grein fyrir upplýsingum frá húseigendum heldur en gert var í fyrri skýrslu.

Megintilgangur umfjöllunarinnar er að kynna húseigendum hvernig húseignir hrörna með aldrinum og hvenær má vænta viðgerða á hinum ýmsu byggingarhlutum.

Mikilvægt er að hugsa vel um húsin okkar. Rétt viðhald kemur í veg fyrir skemmdir, tryggir öryggi og lengir líftíma húsa. Með reglulegu viðhaldi eru húsin einnig fallegri, heilsusamlegri og þægilegri til búsetu.

Shortcuts

Events

An equity loan is a new solution for low-income persons and individuals with limited assets.

This type of loan is intended to aid first time buyers who are below a certain income possibility curve in order to enable them to bridge the equity gap when buying real estate property.

Equity loan

Housing benefit takes the form of monthly payments intended to assist those who rent residential premises, whether this is within the socially-assisted housing system, in student residences or on the open rental market.

Housing Benefit

Housing and Construction Authority

Húsnæðisgrunnur húsnæðis- og mannvirkjastofnunar

Housing and Construction Authority

Landið allt

Housing and Construction Authority

Events

Húsnæðismálin á Norðurlandi - Staða, stefna og framtíðarhorfur