Þriðjudaginn 24. febrúar kl 10:00 verður haldinn opinn fundur um Húsnæðismarkaðinn og framtíðarhorfur á Norðurlandi eystra. Fundurinn verður haldinn í húsakynnum HMS á Akureyri, Hafnarstræti 107.


Ásthildur Sturludóttir, bæjarstjóri Akureyrarbæjar

Húsnæðismarkaðurinn á Norðurlandi eystra - staða og framtíðarhorfur

Jónas Atli Gunnarsson, yfirhagfræðingur hjá HMS

Ragnar Þór Ingólfsson, félags- og húsnæðismálaráðherra

Fundarstjóri verður Albertína Friðbjörg Elíasdóttir, framkvæmdarstjóri SSNE

Húsið opnar kl. 9:45 og verður boðið upp á léttar veitingar meðan á fundi stendur.

Húsnæðismálin á Norðurlandi - Staða, stefna og framtíðarhorfur

Fimmtudaginn 19. febrúar verður haldinn opinn fundur um heimilisleysi á Íslandi. Fundurinn verður haldinn í húsakynnum HMS, Borgartúni 21, Reykjavík og er öllum opinn. Á fundinum verður fjallað um heimilisleysi á Íslandi, hver er staðan og hvað hefur verið gert. Fjallað verður um Housing first hugmyndafræðina, Y-stofnunina í Finnlandi og áfangaheimili. Fram koma sjónarmið HMS, Búsetubrúar Kvennaathvarfsins og Verndar. 

Soffía Hjördís Ólafsdóttir, deildarstjóri hjá Reykjavíkurborg

Lísa Margrét Sigurðardóttir, lögfræðingur í félags- og húsnæðismálaráðuneytinu

9.35 Y-stofnunin í Finnlandi. Hvað hefur virkað í Finnlandi og uppbygging stofnunarinnar.

Eygló Harðardóttir, verkefnastjóri hjá Ríkislögreglustjóra

Drengur Óla Þorsteinsson, verkefnastjóri hjá HMS

9.55 Sjónarmið HMS
Anna Guðmunda Ingvarsdóttir, aðstoðarforstjóri HMS

10.05 Búsetubrú Kvennaathvarfsins
Linda Dröfn Gunnarsdóttir, framkvæmdastýra Kvennaathvarfsins

10.15 Vernd 
Þráinn Farestveit, framkvæmdastjóri Verndar.

Fundarstjóri: Eygló Harðardóttir, verkefnastjóri hjá Ríkislögreglustjóra

Við bjóðum öll velkomin á fundinn og hlökkum til að sjá ykkur. 

Viðburðinum verður einnig streymt á www.hms.is/streymi

Fundur um heimilisleysi_190226.pdf

Hlutverk Húsnæðis- mannvirkja- og skipulagsstofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- mannvirkja- og skipulagsstofnun

Fræðsla og forvarnir

Gögn og mælaborð

Brunavarnir

Burður

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Rb-blöð

Stofnframlög

Þjónustuflokkar

Húsnæðisbætur

Lánavefur

Öryggi mannvirkja

Sveitarfélagsgátt

Um Húsnæðis-, mannvirkja- og skipulagsstofnun

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

968 milljónir króna voru greiddar í húsnæðisstuðning vegna leigu í febrúar til þúsunda heimila um land allt

18.267 umsækjendur fengu greiddar almennar húsnæðisbætur

Tæpar 31 milljón króna í sérstakan húsnæðisstuðning greiddur til 1.142 umsækjenda í Kópavogi og Skagafirði

HMS greiddi þann 27. febrúar sl. um 968 milljónir króna í húsnæðisstuðning til leigjenda vegna leigu í febrúar. Þessar greiðslur styðja við þúsundir heimila um land allt og miða að því að draga úr húsnæðiskostnaði efnaminni leigjenda og auka húsnæðisöryggi þeirra.

Húsnæðisstuðningurinn skiptist í tvo meginflokka. Það eru, almennar húsnæðisbætur og sérstakur húsnæðisstuðningur sveitarfélaga.  

Stærsti hluti stuðningsins eru húsnæðisbætur, sem er ætlað að lækka húsnæðiskostnað tekju- og efnaminni leigjenda. HMS greiddi tæpar 937 milljónir króna til um 18.267 umsækjenda í almennar húsnæðisbætur vegna leigu í febrúar.

Sérstakur húsnæðisstuðningur fyrir Kópavog og Skagafjörð

HMS greiðir einnig sérstakan húsnæðisstuðning fyrir sveitarfélögin Skagafjörð og Kópavog sem hluta af tilraunaverkefni stjórnvalda. Sérstakur húsnæðisstuðningur er á vegum sveitarfélaganna og er ætlað að styðja við þá sem eiga erfitt með að standa straum af húsnæðiskostnaði vegna fjárhagslegra og félagslegra aðstæðna. Greiddar voru tæpar 31 milljónir króna til 1.055 umsækjenda í Kópavogi og 87 umsækjenda í Skagafirði vegna leigu í febrúar.

Skipting greiðslna miðað við aldursbil

Gerð var greining á greiðslu húsnæðisbóta eftir aldri og tegund húsnæðis, bæði á höfuðborgarsvæðinu og á landsbyggðinni. Niðurstöðurnar endurspegla skiptingu þeirra sem fengu greiddar húsnæðisbætur á viðkomandi tímabili. Á báðum svæðum eru flestir umsækjendur að leigja á einkamarkaði og er sá hópur langfjölmennastur í öllum aldursflokkum.

Aldurshópurinn 30 til 39 ára er fjölmennastur meðal þeirra sem fengu greiddar húsnæðisbætur og næstfjölmennasti hópurinn er 40 til 49 ára. Þetta bendir til þess að húsnæðisbætur vegna leigu á einkamarkaði séu algengastar meðal fólks á miðjum aldri, sérstaklega á aldrinum 30 til 49 ára. Fæstir umsækjendur á leigumarkaði eru 70 ára og eldri.

Sé litið til heimavista eða námsgarða er sú húsnæðistegund einkum áberandi meðal yngsta aldurshópsins, frá 18 til 29 ára og fækkar bótaþegum í þeim flokki jafnt og þétt með hækkandi aldri. Það endurspeglar að húsnæðisbætur vegna slíks húsnæðis nýtast fyrst og fremst yngra fólki, svo sem námsmönnum.

Húsnæði í eigu ríkis eða sveitarfélaga vegur hlutfallslega meira hjá eldri aldurshópum en þeim yngri, sem bendir til þess að opinbert leiguhúsnæði og tengdur stuðningur hafi aukið vægi með hækkandi aldri.

Áfangaheimili og sambýli fatlaðra eru fámennir flokkar í heildarsamhenginu hvað varðar greiðslu húsnæðisbóta. Af greiningunni má sjá að framboð þessara húsnæðisúrræða er takmarkaðra á landsbyggðinni miðað við höfuðborgarsvæðið. Flest áfangaheimili virðast staðsett á höfuðborgarsvæðinu og endurspeglast það í hærri fjölda umsækjenda á því svæði. Sambýli fatlaðra eru einnig færri á landsbyggðinni samkvæmt ofangreindu, sem bendir til minni uppbyggingar slíkra úrræða utan höfuðborgarsvæðisins.

Í heild sýnir greiningin að greiðsla húsnæðisbóta dreifist fyrst og fremst til einstaklinga á miðjum aldri á einkamarkaði og að ákveðin húsnæðisúrræði eru aldurstengd og jafnframt misjafnlega aðgengileg eftir landsvæðum.

Flest sveitarfélög á landinu hafa lokið vinnu við álagningu fasteignagjalda ársins 2026 og álagningarseðlar hafa verið birtir á Ísland.is

Flest sveitarfélögin eru með fyrsta gjalddaga í janúar, febrúar eða mars

Borgað þegar hent er (BÞHE) hringrásarhagkerfi úrgangsstjórnunar hefur verið innleitt hjá meirihluta sveitarfélaga

Eigendur fasteigna í flestum sveitarfélögum landsins eiga nú að geta nálgast álagningarseðla fyrir fasteignagjöld á Mínum síðum á Ísland.is. Á álagningarseðlunum má finna sundurliðun á fasteignagjöldunum, en þau innihalda öll gjöld sem lögð eru á fasteignirnar og taka mið af fasteignamati.

Í byrjun hvers árs ber sveitarfélögum að leggja á fasteignaskatt og þjónustugjöld á allar fasteignir sem metnar eru í fasteignamati 31. desember fyrra árs.  HMS heldur utan um og rekur álagningakerfi fasteignagjalda fyrir sveitarfélögin og þar er hægt að nálgast allar upplýsingar um fasteignamat og skráningu fasteigna.

Álagningakerfi fasteignagjalda er nýtt til að leggja á gjöld vegna sorphirðu

Meirihluti sveitarfélaga hefur innleitt sorpferilinn Borgað þegar hent er (BÞHE) sem Samband íslenskra sveitarfélaga innleiddi í samráði við stefnu Umhverfis- orku og loftslagsráðuneytisins og gengur út á að innheimt er eftir magni og tegund úrgangs í stað fasts gjalds. Verkefnið tengist innleiðingu Evróputilskipunar um bætta úrgangsstjórnun, sem leiddi til lagabreytinga á árinu 2023 þegar hin svokölluðu Hringrásarlög tóku gildi hér á Íslandi. Nánari upplýsingar um Hringrásarlögin má finna á heimasíðu Umhverfis- og orkustofnunar.

Innleiðing á BÞHE hófst árið 2023 og hefur gengið vel með samstarfi HMS, Sambands íslenskra sveitarfélaga og annarra sérfræðinga sem komið hafa að verkefninu. Hins vegar hefur innleiðingin í einhverjum tilvikum hægt á vinnu við að klára álagningu fasteignagjalda.

Alls hafa 38 sveitarfélög, þar af þrjú á þessu ári, innleitt hraðalinn hjá sér og vonir standa til að fleiri sveitarfélög innleiði hann fljótlega.

Álagningarseðlar fyrir fasteignagjöld ársins 2026 hafa verið birtir

Eitt mikilvægasta öryggistæki heimilisins er bilunarstraumsrofinn (lekastraumsrofinn). Hann rýfur strauminn í raflögninni verði bilun í henni, t.d. í raftæki, og kemur þannig í veg fyrir slys og bruna. 

Til að bilunarstraumsrofinn virki sem skyldi þarf að halda honum í æfingu, þ.e. liðka hann, hann getur nefnilega stífnað með tímanum. HMS vill því minna á nokkur atriði varðandi bilunarstraumsrofa (lekaliða):

Bilunarstraumsrofa þarf að prófa með prófunarhnappi a.m.k. einu sinni á ári til að koma í veg fyrir að hann stífni. Það er gert með því að styðja á hnapp sem yfirleitt er merktur „T“ eða „Test“ og þá á bilunarstraumsrofinn að rjúfa strauminn í raflögninni. Hann er svo settur inn aftur með „Af/Á“ rofanum.

Ef bilunarstraumsrofinn rýfur ekki þegar ýtt er á prófunarhnappinn getur verið nóg að slá honum út og inn nokkrum sinnum með „Af/Á“ rofanum og prófa svo aftur með prófunarhnappinum.

Best er að hafa slökkt á orkufrekum eða viðkvæmum búnaði á meðan bilunarstraumsrofinn er prófaður.

Ef bilunarstraumsrofinn virkar ekki við prófun og tilraunir til að liðka hann skila engu, er kominn tími til að fá löggiltan rafverktaka til að skipta honum út og athuga hvort annar varbúnaður sé í lagi.

Þar sem í notkun eru LED ljós og annar rafeindabúnaður eins og hleðslutæki fyrir síma, fartölvur og önnur tæki með rafhlöðum, gæti verið kominn tími á að fá löggiltan rafverktaka til að skipta um bilunarstraumsrofa og setja nýjan sem þolir slíkan búnað.

Eitt mikilvægasta öryggistæki heimilisins

Alls voru 6.808 lögbýli skráð á Íslandi um síðustu áramót

Nýjar lögbýlisskráningar voru 9 á síðasta ári

Flest lögbýli eru skráð í sveitarfélaginu Skagafirði

Lögbýlaskrá fyrir árið 2025 er komin út, en samkvæmt henni eru 6.808 lögbýli á Íslandi og yfir árið voru gerðar alls 9 breytingar á árinu 2025, þar sem 9 ný lögbýli voru skráð en ekkert lögbýli var afskráð. Hægt er að nálgast skrána í PDF-formi með því að smella á hnappinn hér að neðan, en hægt er að smella á þennan hlekk til að nálgast lögbýlaskrá í csv-formi. 

Lögbýlaskrá fyrir 2025 má nálgast hér

Lögbýlaskrá er gefin út árlega fyrir allt landið á grundvelli upplýsinga úr þinglýsingabók og fasteignaskrá. Útgáfan er á vegum Matvælaráðuneytisins en samkvæmt 2. mgr. 26. gr. jarðalaga nr. 81/2004 er ráðuneytinu heimilt að fela öðrum aðila að annast gerð lögbýlaskrárinnar.

Húsnæðis- og mannvirkjastofnun annast útgáfu lögbýlaskrár þar sem haldið er utan um skrána í réttindahluta fasteignaskrár sem stofnunin meðal annars rekur.

Samkvæmt jarðalögum teljast þau lögbýli sem hafa fengið útgefið sérstakt leyfi frá ráðherra um lögbýlisrétt og skal því leyfi þinglýst. Við þinglýsinguna fær viðkomandi eign sérstaka merkingu í þinglýsingarhluta fasteignaskrár og birtist í næstu lögbýlaskrá sem gefin verður út. 

Lögbýlaskrá fyrir árið 2025 er komin út

Samkvæmt frétt HMS sem birt var 7. mars 2024, lýkur tveggja ára aðlögunartíma vegna breytts verklags við staðfestingu á nothæfi brunahólfandi innihurða 1. apríl. 
Að aðlögunartíma loknum falla úr gildi allar staðfestingar sem ekki uppfylla kröfur hins nýja verklags.

Allar umsóknir þurfa þá að uppfylla skilyrði annars hvors eftirfarandi leiða, eftir því sem við á.

Eftirfarandi gögn þurfa að liggja fyrir:
1. Yfirlýsing um nothæfi 
2. Skýrsla um gerðarprófun
3. Leiðbeiningar um notkun og upplýsingar um öryggi
4. Umboð frá framleiðanda (á við ef annar aðili en framleiðandi hurðar óskar staðfestingar á nothæfi)

Eftirfarandi gögn þurfa að liggja fyrir:
1. Staðfesting á nothæfi frá viðurkenndum aðila á EES svæðinu
2. Yfirlýsing um nothæfi 
3. Leiðbeiningar um notkun og upplýsingar um öryggi á íslensku
4. Skýrsla um gerðarprófun (heimilt að kalla eftir)

Stað­fest­ing á not­hæfi bruna­hólfandi inni­hurða

Breytt verklag við staðfestingu brunahólfandi innihurða tekur gildi 1. apríl

HMS undirritaði viljayfirlýsingu með félags- og húsnæðismálaráðherra og sveitarfélögum um öfluga húsnæðisuppbyggingu á landsbyggðinni

Húsnæðismarkaðurinn á Akureyri hefur verið virkari en á höfuðborgarsvæðinu þrátt fyrir að aðgengi fyrstu kaupenda hafi verið minna

Ný húsnæðisáætlun Akureyrarbæjar gerir ráð fyrir áframhaldandi íbúafjölgun og mikilli íbúðaþörf til næstu tíu ára

Opinn fundur um húsnæðismál á Norðurlandi eystra var haldinn á skrifstofu HMS á Akureyri í dag. Á fundinum undirritaði Ragnar Þór Ingólfsson, félags- og húsnæðismálaráðherra, viljayfirlýsingu með HMS og Sambandi íslenskra sveitarfélaga um öfluga húsnæðisuppbyggingu um allt land.

Markmiðið er að styðja við fjölbreyttar lausnir á landsbyggðinni

Fundurinn var vel sóttur, en á honum fór Ásthildur Sturludóttir, bæjarstjóri Akureyrar, einnig yfir nýjustu húsnæðisáætlun bæjarins, auk þess sem HMS greindi frá stöðu og þróun húsnæðismarkaðarins í landshlutanum.

Markmið viljayfirlýsingarinnar sem ráðherra undirritaði er að styðja við fjölbreyttar húsnæðislausnir í byggðakjörnum utan höfuðborgarsvæðisins. Jafnframt er lögð áhersla á að styðja við byggingu íbúðarhúsnæðis fyrir alla hópa samfélagsins í samræmi við þá íbúðaþörf sem húsnæðisáætlanir sveitarfélaganna gera ráð fyrir.

„Samstarf milli opinberra aðila er forsenda öflugrar húsnæðisuppbyggingar um land allt,“ segir Ragnar Þór Ingólfsson, félags- og húsnæðismálaráðherra. „Markmiðið með viljayfirlýsingunni er að auka aðgengi fyrstu kaupenda á landsbyggðinni að íbúðum sem falla undir hlutdeildarlán og efla leigumarkaðinn utan höfuðborgarsvæðisins. Hvort tveggja er afar mikilvægt. Einnig er mikilvægt að stuðla að uppbyggingu á svokölluðum köldum markaðssvæðum.“

Virkur markaður á Akureyri en aðgengi fyrstu kaupenda minna

Húsnæðismarkaðurinn á Akureyri hefur verið virkari en á höfuðborgarsvæðinu, ef tekið er tillit til stærðar markaðssvæðanna. Tæplega 9% fasteigna á Akureyri gengu kaupum og sölu á síðasta ári, samanborið við 7% á höfuðborgarsvæðinu.

Aðgengi fyrstu kaupenda að húsnæðismarkaðnum hefur hins vegar verið minna á Akureyri. Fyrstu kaupendur koma að fjórða hverjum kaupsamningi á Akureyri, en um þriðja hverjum kaupsamningi á höfuðborgarsvæðinu. Á sama tíma eru helmingi fleiri vannýttar íbúðir á Akureyri en á höfuðborgarsvæðinu, en þar á meðal eru orlofsíbúðir á vegum stéttarfélaga eða aukaíbúðir sem engin langtímabúseta er í.

Samkvæmt nýrri húsnæðisáætlun Akureyrar er búist við að íbúum sveitarfélagsins muni fjölga um 200-250 á hverju ári og að þörf sé á uppbyggingu tæplega 200 íbúða á hverju ári á tímabilinu 2026-2035. Í fyrra urðu hins vegar aðeins 104 íbúðir fullbúnar í sveitarfélaginu.

Hægt er að nálgast glærur af kynningu HMS á fundinum með því að smella  á hnappinn hér að neðan.

2026-02-23 Húsnæðismál á Norðurlandi eystra JAG.pptx

Staða húsnæðismála á Norðurlandi eystra

Fjölbreyttar lausnir í byggðakjörnum utan höfuðborgarsvæðisins

Ný krafa um lífsferilsgreiningu (LCA) tók gildi í september 2025 sem skilyrði fyrir byggingarleyfi og markar tímamót í gagnadrifinni stýringu kolefnisspors mannvirkja

Steinsteypa vegur þungt í kolefnisspori bygginga, en með markvissri hönnun, breyttum forskriftum og betri efnisnýtingu er hægt að ná verulegum samdrætti

Innleiðing LCA skapar bæði áskoranir og tækifæri fyrir steinsteypuiðnaðinn – aukið gagnsæi, nýsköpun og þróun lágkolefnislausna til framtíðar

Krafa um lífsferilsgreiningu við útgáfu byggingarleyfa markar tímamót í íslenskri mannvirkjagerð. Hún gerir kolefnisspor sýnilegt, styður við markvissari efnisnotkun og beinir athyglinni að þeim ákvörðunum sem skipta miklu máli. Fyrir steinsteypugeirann felur þetta ekki aðeins í sér áskorun, heldur einnig skýrt tækifæri til að þróa betri lausnir, efla samkeppnishæfni og leggja sitt af mörkum til sjálfbærari byggðar.

Tækifæri og áskoranir fyrir steinsteypuiðnaðinn

Byggingariðnaðurinn stendur á tímamótum. Auknar kröfur um sjálfbærni, gagnsæi og ábyrgð kalla á ný vinnubrögð, þar sem ákvarðanir byggja í auknum mæli á gögnum fremur en hefð. Mikilvæg breyting tók gildi í september 2025, krafa um lífsferilsgreiningu sem skilyrði fyrir útgáfu byggingarleyfis. Með þessari kröfu er stigið stórt skref í átt að gagnadrifnum og markvissari aðgerðum til að draga úr kolefnisspori mannvirkja á Íslandi.

Steinsteypa gegnir lykilhlutverki í íslenskri mannvirkjagerð bæði fyrir uppbyggingu mannvirkja og innviða. Þar liggja jafnframt gríðarleg tækifæri til úrbóta. Innleiðing LCA veitir sameiginlegt mælitæki sem gerir kolefnisspor sýnilegt, samanburðarhæft og umfram allt stýranlegt. Því er mikilvægt að steinsteypuiðnaðurinn tileinki sér verklag þar sem áhersla er lögð á lífsferilsgreiningar og samdrátt kolefnisspors mannvirkja. LCA-innleiðingin veitir okkur tól til að mæla kolefnisspor sem býr til grundvöll og hvata fyrir hönnun með lægra kolefnisspor.

Hvað er LCA í mannvirkjagerð? – Aðferðafræði til að meta umhverfisáhrif bygginga

LCA er kerfisbundin aðferð sem metur umhverfisáhrif byggingar yfir allan lífsferil hennar, frá hráefnavinnslu og framleiðslu efna til byggingarframkvæmdar, reksturs, viðhalds, og að lokum niðurrifs og förgunar eða endurnýtingar efna. Markmiðið er að leggja mat á heildaráhrif byggingarinnar.

Með því að láta LCA verða hluta af hönnunarferlinu verður hægt að meta umhverfisáhrif fyrr í ferlinu, ekki eftir á. Þetta skapar hvata og svigrúm til að bera saman lausnir og velja lausnir sem draga úr kolefnisspori byggingarinnar.

Stefnt er að því að setja kröfu um skil á LCA við lokaúttekt mannvirkja árið 2027. Þar með verður hægt að safna gögnum um raunverulegt kolefnisspor mannvirkja á Íslandi, að teknu tilliti til breytinga á hönnunartíma og framkvæmd. Að auki er stefnt að því að setja hámarksgildi á losun mannvirkja þegar krafan um seinni skil bætist við.

Hvers vegna vegur steypa þungt í kolefnisspori bygginga?

Rannsóknir og reynsla sýna að oft megi rekja um 50–60% af innbyggðu kolefnisspori hefðbundinna mannvirkja til steypu. Það er mikilvægt að átta sig á því hvaða þættir í framleiðslu og notkun steinsteypu valda mestu kolefnisspori, eftirfarandi eru helstu þættir:

Sement – Framleiðsla sements er losunarfrekt ferli. Losun verður bæði vegna efnahvarfa við afkölkun kalksteins og vegna mikillar orkuþarfar við brennslu í ofnum sem ná um 1450°C.

Járnabinding. Framleiðsla stáls eykur kolefnisspor steyptra byggingarhluta með járnabindingu.

Of mikil varfærni í hönnun. Hefðbundin hönnun, öryggismörk og of stífar forskriftir geta leitt til óþarfa steypunotkunar, óþarfa járnabindingar og notkun steypu með meiri styrk en raunverulega er þörf á.

Mikið magn. Steypa er notuð í mjög miklu magni í byggingum, meðal annars í undirstöðum, plötum, burðarvirkjum og veggjum. Þrátt fyrir tiltölulega lága losun á hvert kíló miðað við t.d. stál, leiðir heildarmassi steypunnar til mikillar heildarlosunar.

Takmarkað svigrúm til efnisskipta í burðarvirkjum. Burðarþols- og endingarkröfur leiða oft til þess að steypa er eini raunhæfi valkosturinn og setja einnig skorður á hversu mikið má draga úr sementsmagni, sérstaklega í burðarhlutum og undirstöðum.

Kröfur um hraða og byggingaraðferðir. Hröð byggingarframkvæmd krefst oft meiri sementsnotkunar eða hraðharðnandi bindiefna, sem eykur losun.

Þessir þættir sýna að kolefnisspor steypu ræðst ekki aðeins af efninu sjálfu, heldur einnig af hönnunarákvörðunum, forskriftum og framkvæmd.

Helstu leiðir til að draga úr kolefnisspori steypu í byggingum

LCA greiningar sýna að verulegur samdráttur í kolefnisspori steypu er mögulegur án þess að fórna burðarþoli, endingargæðum eða hagkvæmni. Meðal helstu aðgerða eru:

1)      Blöndun steypu með lægra sements- og klinkerhlutfalli. Vel hönnuð steypublanda getur dregið verulega úr losun án þess að skerða eiginleika.

2)      Betri efnisnýting. Með markvissri hönnun má draga úr heildarmagni steypu, til dæmis með skilvirkari burðarvirkjum, grennri burðarhlutum og betri nýtni efnis.

3)      Val á viðeigandi steypublöndu og styrk fyrir mismunandi hlutverk. Steypa er oft forskrifuð með meiri styrk eða endingareiginleikum en nauðsynlegt er. Að laga blöndur nákvæmlega að álags- og umhverfisskilyrðum gerir kleift að minnka sementsmagn og auka hlutfall íblöndunarefna.

4)      Bætt framkvæmd og stýring hörðnunar. Með minni kröfum um hraða hörðnun steypu opnast svigrúm til aukinnar notkunar bindiefna með lægra kolefnisspor. Góð gæðastýring í framkvæmd dregur jafnframt úr sóun.

Þetta sýnir að stór hluti lausnanna liggur í samspili hönnunar, efnisvals og framkvæmdar.

Innleiðing LCA-kröfunnar – hvað þýðir hún fyrir steinsteypuiðnaðinn?

Krafan um lífsferilsgreiningar hefur áhrif á alla virðiskeðjuna. Fyrir steinsteypugeirann birtast áhrifin meðal annars í:

·       Auknum hvata til að draga úr klinkerhlutfalli í steypu. Hönnuðir og verktakar munu í auknum mæli óska eftir sementslausnum með lægra kolefnisspor, aukinni notkun íblöndunarefna og endurunnum fylliefnum sem uppfylla gæðakröfur.

·       Aukinni þörf fyrir áreiðanleg gögn. LCA kallar á staðlaðar umhverfisyfirlýsingar (EPD), rekjanleika hráefna og að gögn séu tiltæk á rafrænu, stöðluðu formi.

Þetta eykur gagnsæi, styrkir traust og skapar hvata til vöruþróunar og nýsköpunar.Innleiðing LCA-kröfunnar – hvað þýðir hún fyrir steinsteypuiðnaðinn?

Auknum hvata til að draga úr klinkerhlutfalli í steypu. Hönnuðir og verktakar munu í auknum mæli óska eftir sementslausnum með lægra kolefnisspor, aukinni notkun íblöndunarefna og endurunnum fylliefnum sem uppfylla gæðakröfur.

Aukinni þörf fyrir áreiðanleg gögn. LCA kallar á staðlaðar umhverfisyfirlýsingar (EPD), rekjanleika hráefna og að gögn séu tiltæk á rafrænu, stöðluðu formi.

Þetta eykur gagnsæi, styrkir traust og skapar hvata til vöruþróunar og nýsköpunar.

Innleiðing LCA skapar einnig tækifæri. Á Íslandi eru forsendur fyrir þróun umhverfisvænni steinsteypulausna, meðal annars vegna hreinnar raforku, stuttra flutningsleiða og öflugs samstarfs iðnaðar, háskóla og opinberra aðila. Auknar kröfur um gögn og greiningar geta:

eflt rannsóknir á lágkolefnissteypu og endurnýtingu steypu

stutt við þróun staðbundinna íblöndunarefna

bætt stafræna verkferla og gæðastjórnun

Steinsteypugeirinn getur þannig verið í fararbroddi í umbreytingu mannvirkjagerðar til framtíðar.

Nánari upplýsingar um LCA aðferðafræðina skv. kröfu í byggingarreglugerð er að finna á leiðbeiningavef HMS, https://hms.is/lifsferilsgreining. Fyrirspurnir varðandi lífsferilsgreiningar má senda á lca@hms.is.

Lífsferilsgreiningar (LCA – Life Cycle Assessment): Krafa í byggingarreglugerð

Mest skoðað

Alþingi hefur samþykkt lög sem fela í sér sameiningu Húsnæðis- og mannvirkjastofnunar og Skipulagsstofnunar í eina öfluga stofnun.

HMS og Skipulagsstofnun sameinast

Viðburðir á vegum HMS

Lykiltölur HMS

Hlutverk Húsnæðis- og mannvirkjastofnunar er að vernda líf og heilsu, eignir og umhverfi með því að tryggja virkt eftirlit með gæðum og öryggi í mannvirkjagerð, brunavörnum, minnkun vistspors og réttleika skráningar fasteigna.

Lykiltölur HMS

Landið allt

Lykiltölur HMS

Fréttir

Greiðsla húsnæðisbóta í febrúar

Álagningarseðlar fyrir fasteignagjöld ársins 2026 hafa verið birtir

Eitt mikilvægasta öryggistæki heimilisins

Lögbýlaskrá fyrir árið 2025 er komin út

Breytt verklag við staðfestingu brunahólfandi innihurða tekur gildi 1. apríl

Fjölbreyttar lausnir í byggðakjörnum utan höfuðborgarsvæðisins

Lífsferilsgreiningar (LCA – Life Cycle Assessment): Krafa í byggingarreglugerð

Fréttir

Greiðsla húsnæðisbóta í febrúar

Álagningarseðlar fyrir fasteignagjöld ársins 2026 hafa verið birtir

Eitt mikilvægasta öryggistæki heimilisins

Lögbýlaskrá fyrir árið 2025 er komin út

Breytt verklag við staðfestingu brunahólfandi innihurða tekur gildi 1. apríl

Fjölbreyttar lausnir í byggðakjörnum utan höfuðborgarsvæðisins

Lífsferilsgreiningar (LCA – Life Cycle Assessment): Krafa í byggingarreglugerð

HMS og Skipulagsstofnun sameinast

HMS og Skipulagsstofnun sameinast

Viðburðir á vegum HMS

Húsnæðismálin á Norðurlandi - Staða, stefna og framtíðarhorfur

Heimilisleysi á Íslandi