HMS hefur endurvakið útgáfu á Rb-blöðunum, sem eru tækni- og leiðbeiningablöð um mannvirkjagerð. Viðfangsefni Rb-blaðanna hafa verið fjölbreytt í gegnum tíðina. Í tengslum við útgáfu nýrra blaða endurútgefur HMS, í lok hvers mánaðar, eldri blöð sem fjalla um málefni líðandi stundar.

Rb-blað mánaðarins fjallar um flísaklædda votrýmisveggi.

Rb-blaðið Flísaklæddir votrýmisveggir var gefið út í júlí 2017 af Nýsköpunarmiðstöð Íslands. Höfundur blaðsins er Jón Sigurjónsson.

Blaðið fjallar um flísalagða veggi votrýma. Lýst er frágangi sem gefur ásættanlegt raka- og lekaöryggi blautsvæða í votrýminu. Einnig er lýst fullnægjandi frágangi þeirra svæða í votrýmum sem minna mæðir á. Votrými eru skilgreind sem baðherbergi, þvottaherbergi og önnur votrými sem verða fyrir minna vatnsálagi í íbúðarhúsum, opinberum byggingum og gististöðum en ekki í stórum opinberum baðhúsum, sturtusvæðum sundlauga eða íþróttahúsa.

Blaðið fjallar eingöngu um flísalagða veggi votrýma og uppbyggingu þeirra.