11. september 2026
14. september 2026
Umhverfismat ágústmánaðar og mál í kynningu
Útgáfuáætlun
Hér má sjá útgáfuáætlun HMS
- Í ágúst voru gefin út 3 álit eða ákvarðanir á grundvelli laga um umhverfismat framkvæmda og áætlana
- Eitt álit um matsáætlun og tvær ákvörðanir um matsskyldu
- Þá eru í kynningu 2 umhverfismatsskýrslur og ein matsáætlun. Opið er fyrir athugasemdir á Skipulagsgátt
Álit um matsáætlun
Reykjanesvirkjun, meðferð og förgun útfellinga með aukna náttúrulega geislavirkni – álit um matsáætlun
Áform HS orku felast í meðferð og förgun á útfellingum með aukna náttúrulega geislavirkni (NORM) úr lögnum frá borholum Reykjanesvirkjunar. Hreinsun eigi sér stað við reglubundið viðhald þar sem efnið sé fjarlægt á afmörkuðum hreinsiplönum.
Ákvörðun um matsskyldu
Veiting Austurkvíslar Þjórsárkvísla í fyrri farveg – ákvörðun um matsskyldu
Niðurstaða: framkvæmd ekki háð mati á umhverfisáhrifum
Ákvörðun HMS hefur verið kærð til úrskurðarnefndar umhverfis- og auðlindamála. Úrskurður liggur ekki fyrir.
Stytting Hörgeyrargarðs í Vestmannaeyjum – ákvörðun um matsskyldu
Niðurstaða: framkvæmd ekki háð mati á umhverfisáhrifum
Umhverfismatsskýrslur til kynningar
Reykjanesbraut, Hafnavegur - Garðskagavegur
Vegagerðin áformar tvöföldun Reykjanesbrautar á 4,7 km löngum kafla milli Hafnavegar og Garðskagavegar. Kynningartími 31.08.2026 - 13.10.2026.
Yggdrasill Carbon hyggst ráðast í skógrækt í landi Ljárskóga í Dalabyggð í samstarfi við landeigendur á svæði sem nær yfir alls 5.500 ha. Markmið skógræktarverkefnisins er að binda koltvísýring úr andrúmslofti, búa til beitarskóg, byggja upp skógarauðlind í samstarfi við sauðfjárbændur og græða upp landið ásamt því að vera framlag í baráttunni gegn þeim miklu loftslagsbreytingum sem eru að eiga sér stað. Kynningartími 1.09.2026 - 13.10.2026.
Matsáætlun til kynningar
Ylur ehf. áformar áframhaldandi efnistöku úr Mýnesnámu í landi Mýness í Múlaþingi. Áætlað er að um 400.000 m³ efnis hafi þegar verið unnið úr Mýnesnámu á um 16 ha landsvæði. Fyrirhuguð framkvæmd felur í sér allt að 400.000 m³ frekari efnistöku. Efnistakan mun að hluta fara fram innan þess svæðis sem þegar hefur verið raskað en einnig er gert ráð fyrir að vinnslan nái til 8 ha lands sem ekki hefur áður verið raskað með efnistöku. Efnistökunni verður áfangaskipt og er stefnt að því að ljúka frágangi einstakra vinnslusvæða áður en vinnsla færist yfir á næsta áfanga. Áætlaður vinnslutími Mýnesnámu er um 15 ár. Kynningartími 21.08.2026 - 18.09.2026.
Útgáfuáætlun
Hér má sjá útgáfuáætlun HMS
