Fundurinn sem átti að vera þriðjudaginn 6. október hefur verið frestað til fimmtudagsins 15. október nk. 
Þá verða fyrirhugaðar breytingar á byggingarreglugerð er varða aðgengi og öryggi við notkun kynntar. Fundurinn verður haldinn í sal HMS að Borgartúni 21, kl. 14:00. En einnig verður hægt að fylgjast með honum á hms.is/streymi.

HMS boðar til kynningarfundar um breytingu á byggingarreglugerð er varðar hluta 4 um aðgengi og öryggi við notkun.

Á fundinum verða tillögur að breyttum hluta um aðgengi og öryggi við notkun kynntar og í framhaldinu verður boðið upp á opið samtal þar sem hagaðilum gefst tækifæri að koma ábendingum og athugasemdum á framfæri.

Fundurinn er liður í endurskoðun og einföldun byggingarreglugerðar. Markmið endurskoðunarinnar er að gera reglugerðina einfaldari og skýrari með aukinni áherslu á virknimiðaðar kröfur, samræmda uppbyggingu og meira svigrúm til fjölbreyttra lausna.

Hluti 4 um aðgengi og öryggi við notkun tekur efnislega til 6., 7. og 12. hluta gildandi reglugerðar.

Drög að 4. hluta byggingarreglugerðarinnar um aðgengi og öryggi við notkun ásamt greinargerð um breytingar verða birtar hér fyrir fundinn, þar sem einnig verður hægt að skila athugasemdum rafrænt.

Ef þú hefur áhuga á að fylgjast með framvindu verkefnisins geturðu skráð þig á póstlista HMS. Þeir sem skrá sig fá upplýsingar um:

birtingu nýrra draga að reglugerð og leiðbeiningum,

annað efni sem tengist endurskoðun byggingarreglugerðar.

Við hvetjum alla hagaðila til að skrá sig og fylgjast með verkefninu.

Skipulagsdagurinn er árleg ráðstefna HMS og Sambands íslenskra sveitarfélaga um skipulagsmál þar sem fjallað er um það sem er efst á baugi í málaflokknum hverju sinni. Sem fyrr verður dagskráin fjölbreytt með erindum framsögufólks úr ólíkum áttum, umræðum og spjalli þar sem tækifæri gefst til að skiptast á hugmyndum. Takið daginn frá!

Housing benefit takes the form of monthly payments intended to assist those who rent residential premises, whether this is within the socially-assisted housing system, in student residences or on the open rental market. The Housing and Construction Authority handles the implementation of the Housing Benefit Act, No. 75/2016, and takes decisions regarding entitlement to housing benefit.

Húsnæðis- og mannvirkjastofnun

Mælaborð

Vefþjónustur

Mánaðarskýrsla HMS

Útgefið efni

Grunngögn til niðurhals

Vefsjár fasteigna

Gögn og mæliborð

Eignin mín

Lán til einstaklinga

Starfsleyfi og löggildingar

Húsnæðisbætur og leigumál

Rafmagnsöryggi

Umsóknir og eyðublöð

Ísland.is

Housing benefits

Loan site

Öryggi mannvirkja

Um HMS

Upplýsingar

Fréttir og tilkynningar

Mælanleg gögn

Contact us

Hafðu samband

Nærri 3.300 íbúðir eru komnar í útleigu innan almenna íbúðakerfisins um allt land og um 1.000 til viðbótar eru í uppbyggingu

Uppbygging innan kerfisins nær ekki að mæta þörf eftir leiguhúsnæði

Ríki og sveitarfélög hafa úthlutað stofnframlögum til 331 íbúðar það sem af er þessu ári

Frá því að stofnframlög voru fyrst kynnt til sögunar fyrir um 10 árum síðan hafa stofnframlög ríkis og sveitarfélaga stuðlað að uppbyggingu rúmlega 4.000 leiguíbúða á viðráðanlegu verði um allt land, en um 3.300 þessara íbúða hafa þegar verið teknar í notkun. Þrátt fyrir að hægt hafi úr fjölgun umsækjenda eru biðlistar hjá óhagnaðardrifnum leigufélögum enn langir og hjá flestum félaganna nær uppbyggingin ekki að mæta eftirspurn. Það sem af er ári hefur stofnframlögum verið úthlutað tvisvar vegna samtals 331 íbúðar. Nú er opið fyrir umsóknir í þriðju úthlutun ársins og er umsóknarfrestur til og með 23. október.

Dreifing almennra íbúða í notkun eftir staðsetningu.

Nýjar íbúðir teknar í notkun í almenna íbúðakerfinu

Bjarg íbúðafélag hses. tók nýverið í notkun 36 almennar leiguíbúðir við Safamýri í Reykjavík sem byggðar voru með stofnframlögum ríkisins. Félagsbústaðir eiga hluta íbúðanna, sem einnig verða leigðar út innan almenna íbúðakerfisins. Framkvæmdir hófust haustið 2024 og lauk í júlí 2026, en fyrstu íbúðirnar voru tilbúnar til afhendingar í júní sama ár. Bjarg er einnig með 69 íbúðir í byggingu við Haukahlið í Reykjavík, ganga þær framkvæmdir vel og er áætlað að fyrstu íbúðirnar innan þess verkefnis verði tilbúnar til notkunar undir lok næsta árs.

Fleiri íbúðaverkefni eru jafnframt í undirbúningi á landsbyggðinni. Brák íbúðafélag hses. undirbýr nú, í samstarfi við Húnabyggð, byggingu fimm íbúða þjónustukjarna á Blönduósi. Íbúðirnar verða nýttar sem sértækt búsetuúrræði fyrir fólk með fötlun. Einnig er Brák með í undirbúningi byggingu á 8 íbúðum á Dalvík. Brák er stærsta óhagnaðardrifna leigufélagið innan almenna íbúðakerfisins sem starfar utan höfuðborgarsvæðisins með um 300 íbúðir um allt land  og eiga nú 32 sveitarfélög aðild að félaginu.

Nemendagarðar og námsmannaíbúðir byggðar um allt land

Uppbyggingu námsmannaíbúða á háskólasvæðinu í Reykjavík verður haldið áfram, en nú eru 148 stúdentaíbúðir í byggingu við Nauthólsveg í Reykjavík. Framkvæmdir hófust á síðari hluta árs 2025 og er áætlað að þeim ljúki í ágúst á næsta ári. Verkefnið er framhald tveggja fyrri áfanga við Nauthólsveg, þar sem samtals 252 námsmannaíbúðir hafa verið byggðar með aðstoð stofnframlaga.

Nemendagarðar Menntaskóla Borgarfjarðar tóku nýverið í notkun 12 nýjar íbúðir í Borgarnesi, sem byggðar voru með stofnframlögum. Verkefnið er samstarfsverkefni Menntaskóla Borgarfjarðar og Brákarhlíðar fasteignafélags ehf. Í húsnæðinu verða bæði námsmenn og eldra fólk og er verkefninu ætlað að mæta aukinni þörf fyrir húsnæði eldra fólks, samhliða skorti á nemendaíbúðum.

Á Norðurlandi er einnig undirbúningur hafinn að byggingu nemendagarða við Norðurslóð á Akureyri á vegum Félagsstofnunar stúdenta á Akureyri. Byggð verða þrjú hús með samtals 126 íbúðum af fjölbreyttum stærðum, þar á meðal einstaklingsherbergi, stúdíóíbúðir og tveggja herbergja íbúðir. Áætlun gerir ráð fyrir að fyrstu íbúðirnar verði tilbúnar haustið 2028.

Stofnframlög eru stuðningur í formi eigin fjár sem veitt eru til uppbyggingar á leiguíbúðum fyrir tekju- og eignaminni heimili til að auka húsnæðisöryggi leigjenda og stuðla að því að húsnæðiskostnaður sé í samræmi við greiðslugetu leigjenda eða að jafnaði ekki umfram fjórðung tekna. Stofnframlögin sem eru veitt bæði til byggingar og kaupa á íbúðum eru veitt annars vegar fyrir hönd ríkisins í gegnum HMS og hins vegar frá viðkomandi sveitarfélagi þar sem íbúðirnar koma til með að vera staðsettar í.

Stofnframlag ríkisins er 18% af stofnkostnaði íbúðanna og framlag sveitarfélags er 12%. Ríki er heimilt að veita allt að 4% viðbótarframlag vegna íbúðarhúsnæðis á vegum sveitarfélaga, íbúðarhúsnæðis ætlað námsmönnum eða fötluðu fólki. Einnig er heimilt að veita sérstakt byggðaframlag vegna byggingar almennra íbúða á svæðum þar sem skortur er á leiguhúsnæði og bygging íbúða hefur verið í lágmarki.

Stofnframlög hafa stuðlað að uppbyggingu um 4.300 leiguíbúða

Grunnnámskeið til leyfis eignaskiptayfirlýsinga og merkjalýsinga hefst 20. október

Annað skiptið sem Endurmenntun HÍ heldur námskeiðið í samvinnu við HMS

Skráning í námið er í auglýsingu EHÍ hér að neðan

Grunnnámskeið til leyfis eignaskiptayfirlýsinga og merkjalýsinga

Endurmenntun Háskóla Íslands (EHÍ) í samstarfi við HMS, býður upp á námskeið sem veitir einstaklingum leyfi til að gera eignaskiptayfirlýsinga og merkjalýsinga. Þeir sem sækja námið og standast próf geta í kjölfarið óskað eftir leyfisbréfi hjá ráðherra.

Námið hefst á grunnnámskeiði sem er skyldunámskeið og undanfari annarra tveggja námskeiðanna. Grunnnámskeiðið hefst 20. október 2026

Námskeiðin byggja á reglugerðum nr. 160/2024 um merki fasteigna og nr. 233/1996 um leyfi til að gera eignaskiptayfirlýsingar.

Nánari upplýsingar um námið veitir EHÍ í síma 5254444 og endurmenntun@hi.is

Jafnframt eru nánari upplýsingar hér í þessari auglýsingu

Grunnnámskeið til leyfis eignaskiptayfirlýsinga og merkjalýsinga haldið í annað sinn

Íbúðum í byggingu fjölgar um tæp 15% milli mánaða

Minni íbúðir vega þyngra í uppbyggingu en í fyrri viðskiptum

Fjölgun íbúða í byggingu gæti skýrst af uppfærðum skráningum

Samkvæmt mælaborði HMS um íbúðir í byggingu eru nú 6.350 íbúðir skráðar í byggingu á landinu öllu. Það er um 15% fjölgun frá september, þegar þær voru 5.533. Byggingaráformum fækkaði hins vegar um 15% á sama tímabili, úr 1.141 í 975. Þar er átt við íbúðir sem hafa fengið útgefið byggingarleyfi en framkvæmdir eru ekki hafnar. Fjöldi þeirra gefur því vísbendingu um mögulega uppbyggingu sem er fram undan.

Stærðardreifing óseldra nýbygginga bendir til misræmis milli framboðs og eftirspurnar

Algengasta stærð íbúða í byggingu á höfuðborgarsvæðinu er 80–89 fermetrar, en um 14% þeirra falla í þann flokk í október. Stærðardreifingin er nokkuð svipuð og meðal seldra íbúða á árunum 2020–2026, en íbúðir á bilinu 40–89 fermetrar eru hlutfallslega fleiri í byggingu. Það þýðir að minni íbúðir vega þyngra í núverandi uppbyggingu en í íbúðaviðskiptum undanfarinna ára.

Dreifing óseldra nýbygginga er hins vegar önnur. Þær eru hlutfallslega algengastar á bilinu 80–119 fermetrar. Þar skera 90–99 fermetra íbúðir sig úr og eru um 18% óseldra nýrra íbúða, samanborið við um 11% seldra íbúða. Íbúðir undir 80 fermetrum eru aftur á móti hlutfallslega færri meðal óseldra nýbygginga. Þetta samræmist fyrri greiningum HMS á því að minni nýjar íbúðir seljist greiðar en stærri. Í maímánaðarskýrslu HMS kom til að mynda fram að birgðatími stærstu fjölbýlisíbúðanna á höfuðborgarsvæðinu væri rúmlega þrefalt lengri en þeirra minnstu.

Í desember í fyrra voru íbúðir undir 90 fermetrum þegar hlutfallslega fleiri í byggingu en meðal seldra íbúða undanfarinna ára. Þrátt fyrir það eru minni íbúðir enn hlutfallslega fátíðari meðal óseldra nýbygginga. Það bendir til þess að markaðurinn taki greiðlega við framboði þeirra og að fyrri viðskipti gefi ekki góða mynd af eftirspurn eftir minni íbúðum í dag.

Fjölgun skráðra íbúða í byggingu þýðir ekki endilega aukin umsvif

Fjölgun íbúða í byggingu á milli mánaða þarf ekki að þýða að framkvæmdir hafi raunverulega aukist. Hún gæti að hluta eða öllu leyti skýrst af uppfærðum skráningum eftir talningu HMS sem lauk í september. Í talningunni er raunveruleg staða framkvæmda könnuð. Í kjölfarið hvetur HMS sveitarfélög til að uppfæra skráningar sínar og uppfærir jafnframt eigin kerfi. Framkvæmdir sem hófust fyrr geta því fyrst komið fram í tölunum núna.

Skráðum íbúðum í byggingu fjölgar milli mánaða

HMS og Iðan fræðslusetur bjóða upp á námskeið fyrir mannvirkjahönnuði sem hyggjast sækja um löggildingu HMS

Námskeiðið hefst 27. október 2026 og fer fram á netinu

Umsóknarfrestur er til og með 19. október 2026

HMS vekur athygli á námskeiði fyrir mannvirkjahönnuði sem hyggjast sækja um löggildingu til að gera aðal- og séruppdrætti samkvæmt 25. og 26. gr. laga um mannvirki nr. 160/2010. 

Um er að ræða netnámskeið þar sem farið er yfir lög, reglugerðir og annað regluverk sem varðar störf mannvirkjahönnuða. Í kennslukerfinu er að finna ýmis stuðningsgögn og viðbótarefni sem tengjast umfjöllunarefnum námskeiðsins. Kennsluefnið er aðgengilegt allan námstímann og þátttakendur geta skipulagt námið eftir eigin þörfum innan námskeiðstímabilsins. Með þessu fyrirkomulagi gefst þátttakendum rúmur tími til að ljúka námskeiðinu.

Námskeiðið hefst 27. október 2026 og heildarlengd fyrirlestra er rúmar 20 klukkustundir. Námskeiðinu lýkur með krossaprófi á netinu þann 20. nóvember 2026 þar sem próftími er fjórar klukkustundir.

Umsóknarfrestur er til og með 19. október 2026.

Starfsmaður HMS fer yfir umsókn og sendir staðfestingu á að viðkomandi uppfylli skilyrði eða ef óskað er eftir frekari gögnum.

Nánari upplýsingar um bygginga- og mannvirkjagreinar og símenntun á sviðinu má finna á vef Iðunnar fræðsluseturs.

Þeir sem hyggjast sækja um löggildingu mannvirkjahönnuða eru hvattir til að skrá sig tímanlega og nýta sér námskeiðið til að afla sér þeirrar þekkingar sem krafist er við útgáfu löggildingar.

Námskeið um löggildingu mannvirkjahönnuða

Arkitektafélag Íslands hefur göngu nýrrar fræðsluraðar um arkitektúr og gæði byggingarlistar með fyrsta viðburðinum 8. október

Fimm opin erindi verða haldin yfir veturinn 2026–2027 þar sem fjallað verður um fegurð, umbreytingu, nýtingu, samfélag og öndun

Auður Hreiðarsdóttir frá Esju Arkitektum flytur fyrsta erindið og fjallar meðal annars um Landsfjórðungahús, sem hefur hlotið þrjá styrki úr Aski mannvirkjarannsóknarsjóði

Arkitektafélag Íslands hefur göngu nýrrar fræðsluraðar um arkitektúr, gæði byggingarlistar og þau grunngildi sem móta gott manngert umhverfi. Fyrsti viðburðurinn fer fram á Parketinu í Grósku fimmtudaginn 8. október 2026 kl. 17–19 og ber yfirskriftina Samfélag.

Fræðsluröðin, Erindi um arkitektúr, samanstendur af fimm opnum viðburðum sem haldnir verða yfir veturinn 2026–2027. Markmiðið er að dýpka faglega umræðu og standa vörð um gæði byggingarlistar. Á viðburðunum verður fjallað um fimm þemu: fegurð, umbreytingu, nýtingu, samfélag og öndun.

Auður Hreiðarsdóttir frá Esju Arkitektum flytur fyrsta erindið. Hún mun meðal annars fjalla um Landsfjórðungahús, verkefni sem hefur hlotið þrjá styrki úr Aski mannvirkjarannsóknarsjóði.

Nánar um verkefnin má finna hér að neðan:

Arkitektafélag Íslands hefur göngu nýrrar fræðsluraðar

687 útköll alls, þar af 58 útköll vegna umferðaslysa.

48 gróðureldar, töluverð aukning miðað við árið 2025.

Slökkvilið landsins sinntu alls 687 útköllum á öðrum ársfjórðungi 2026. Þetta kemur fram í útkallsskýrslugrunni slökkviliða, sem HMS hefur unnið tölfræðiupplýsingar úr fyrir tímabilið.

Á meðal verkefna slökkviliða á öðrum ársfjórðungi 2026 voru 58 útköll vegna umferðarslysa, 52 útköll vegna viðvörunarkerfa þar sem ekki var eldur og 48 útköll vegna gróðurelda.

Útköll vegna elds utan bygginga voru 28% færri en á sama tímabili árið 2025, samkvæmt upplýsingum úr útkallsskýrslugrunni slökkviliða.

Gróðureldar eru áfram áhyggjuefni. Á öðrum ársfjórðungi 2026 voru skráð 48 útköll vegna gróðurelda og á fyrsta ársfjórðungi voru þau 64. Það sem af er ári hafa því verið skráð 113 útköll vegna gróðurelda. Til samanburðar er meðaltal síðustu tíu ára 87 gróðureldar á ári. Flest útköll vegna gróðurelda voru árið 2021, eða 144, og næstflest árið 2023, eða 106.

Útköll vegna gróðurelda eru að jafnaði færri á síðari hluta ársins en þeim fyrri. Þróunin á þriðja og fjórða ársfjórðungi mun því ráða miklu um hvort árið 2026 verður yfir langtímameðaltali.

Slökkviliðin fara í útköll vegna bilana í viðvörunarkerfum

Af þeim 687 útköllum sem slökkvilið landsins sinntu á öðrum ársfjórðungi 2026 voru 363 vegna elds. Útköll þar sem viðvörunarkerfi fór í gang án þess að eldur væri til staðar voru 52, sem er nokkuð fleiri tilfelli en á sama tímabili árið 2025. Slík útköll eru oft í viðbragðsflokki F2, eða næsthæsta forgangi og geta því falið í sér forgangsakstur. Mikilvægt er að fækka óþarfa útköllum vegna viðvörunarkerfa þar sem þau taka tíma, skapa álag á slökkvilið og geta aukið áhættu í umferð.

Slökkvilið gegna lykilhlutverki í öryggi samfélagsins og eru ein af grundvallarstoðum við að vernda líf, heilsu, eignir og umhverfi. Starfsemi þeirra er jafnframt nátengd öðrum viðbragðskerfum, svo sem almannavörnum, lögreglu og heilbrigðisþjónustu. Slökkvilið eru að meginstefnu til rekin á ábyrgð sveitarfélaga og hefur sú skipan verið byggð upp í takt við sveitarfélagaskipan. Sú þróun hefur leitt til ólíkrar stærðar og getu slökkviliða. Þá hefur reynslan sýnt að framkvæmd og þjónustustig eru misjöfn milli svæða, sem getur haft áhrif á jafnræði íbúa til öryggis.

Slökkvilið landsins sinntu 687 útköllum á öðrum ársfjórðungi 2026

Samþykktar voru 49 umsóknir um hlutdeildarlán að fjárhæð samtals 730 milljónir króna

Um fjórar af hverjum tíu vilyrðum samþykktum umsóknum voru vegna íbúðakaupa utan höfuðborgarsvæðisins

HMS samþykkti á sama tíma 210 íbúðir sem hægt er að kaupa með hlutdeildarláni, en flestar þeirra voru í Sveitarfélaginu Árborg og í Hafnarfirði

HMS samþykkti 49 umsóknir um hlutdeildarlán á þriðja ársfjórðungi 2026. Heildarfjárhæð lánsvilyrða nam um 730 milljónum króna og meðalfjárhæð vilyrðis var 14,9 milljónir króna.

Alls voru 115 umsóknir til yfirferðar í júlí, ágúst og september.

Á sama ársfjórðungi í fyrra voru samþykktar 57 umsóknir fyrir um 766 milljónir króna. Það sem af er ári hafa hins vegar við samþykktar 256 umsóknir fyrir tæplega 3,8 milljarða króna, sem er meira en tvöfalt fleiri en á fyrstu níu mánuðum síðasta árs og þegar meira en allt árið 2025.

Frá því að hlutdeildarlán voru fyrst veitt haustið 2020 hefur HMS samþykkt rúmlega 1.400 umsóknir fyrir samtals um 16,3 milljarða króna.

Flest vilyrði voru veitt vegna íbúðakaupa í Hafnarfirði

Af 49 samþykktum umsóknum á þriðja ársfjórðungi voru 29 vegna kaupa á höfuðborgarsvæðinu og 20 utan þess. Flestarvoru vegna kaupa í Hafnarfirði, eða alls 18.

Taflan hér að neðan sýnir fjölda samþykktra umsókna og fjárhæð lánsvilyrða eftir landshlutum. Meðalkaupverð íbúða var 60,7 milljónir króna. Samþykkt lánsfjárhæð nam að meðaltali 24,6% af skráðu kaupverði.

Flestar nýjar íbúðir í Sveitarfélaginu Árborg

Á þriðja ársfjórðungi bættust 210 nýjar íbúðir við framboð íbúða sem hægt er að kaupa með hlutdeildarláni. Þetta eru íbúðir sem HMS hefur staðfest að uppfylli skilyrði lánanna, meðal annars um stærð og hámarksverð, óháð því hvort þær seljast á endanum með hlutdeildarláni eða ekki.

Af þessum íbúðum voru 138 utan höfuðborgarsvæðisins, eða um 66%. Flestar voru í Sveitarfélaginu Árborg, eða 66, og í Hafnarfirði, þar sem þær voru 45. Þá voru 25 íbúðir í Reykjanesbæ, 20 í Sveitarfélaginu Ölfusi og 15 í Reykjavík. Samtals voru 72 íbúðir á höfuðborgarsvæðinu og 94 á Suðurlandi.

Samþykkt hámarksverð íbúðanna var að meðaltali um 69 milljónir króna á höfuðborgarsvæðinu og um 60 milljónir króna utan þess. Íbúðirnar utan höfuðborgarsvæðisins voru stærri, að meðaltali um 87 fermetrar á móti um 79 fermetrum á höfuðborgarsvæðinu. Meðalhámarksverð allra nýrra íbúða var um 63 milljónir króna, sem er um 2,5% raunverðslækkun miðað við sama ársfjórðung í fyrra. Um 75% íbúðanna voru með tvö eða þrjú svefnherbergi.

Kortið hér að neðan sýnir fjölda nýrra íbúða sem samþykktar voru í hlutdeildarlánaúrræðið á þriðja ársfjórðungi, skipt eftir landshlutum. Tölurnar ná til íbúða sem ekki höfðu áður verið samþykktar í úrræðið, óháð því hvort þær hafa verið seldar eða ekki.

Opið er fyrir umsóknir um hlutdeildarlán í október en umsóknartímabilið stendur til kl. 12:00 þann 14. október.

Nánari upplýsingar um hlutdeildarlán og umsóknarferlið má finna á Ísland.is.

HMS veitti 49 hlutdeildarlán á þriðja ársfjórðungi 2026

Shortcuts

Events

An equity loan is a new solution for low-income persons and individuals with limited assets.

This type of loan is intended to aid first time buyers who are below a certain income possibility curve in order to enable them to bridge the equity gap when buying real estate property.

Equity loan

Housing benefit takes the form of monthly payments intended to assist those who rent residential premises, whether this is within the socially-assisted housing system, in student residences or on the open rental market.

Housing, construction and planning authority

Landið allt

Housing, construction and planning authority

Events

Hluti 4 Aðgengi og öryggi við notkun

Skipulagsdagurinn 2026