Verk­efn­ið er í vinnslu, áætl­uð skil eru 31. des­em­ber 2025.

Markmið verkefnisins er að greina orkunotkun í íbúðarhúsnæði á köldum svæðum fyrir og eftir uppsetningu loftskiptakerfis. Með verkefninu verða til raunmæligögn um virkni varmaendurvinnslu í loftskiptakerfum fyrir íbúðarhúsnæði. Með köldum svæðum er átt við svæði þar sem hús eru hituð með rafmagns- eða olíukyndingu.

Loftskipti í íbúðarhúsnæði eru nauðsynleg bæði fyrir húsnæðið sjálft og heilsu íbúa. Þau draga úr raka, koltvísýringi og öðrum efnum sem geta safnast upp í innilofti og tryggja jafnframt innstreymi fersks lofts, sem skiptir máli fyrir heilsu og vellíðan íbúa. Notaðar eru mismunandi aðferðir við loftræsingu íbúðarhúsnæðis, þar á meðal náttúruleg loftræsting, vélræn útsogskerfi og loftskiptakerfi.