Stein­ull í Hringrás

Markmið verkefnisins er að leggja grunn að endurvinnslu steinullarúrgangs á Íslandi með því að afla heildstæðrar yfirsýnar yfir magn, tegundir og uppruna úrgangsins, sem og ástand hans. Í því felst meðal annars að meta hvernig úrgangurinn skiptist milli nýrrar og notaðrar steinullar, hlutfall steinullar annars vegar og glerullar hins vegar, og magn óhreininda og aðskotahluta. Jafnframt er markmið verkefnisins að kortleggja núverandi söfnunarkerfi steinullarúrgangs og framleiðsluferla, og greina mögulegar leiðir til endurnýtingar og vinnslu með hliðsjón af umhverfisáhrifum, orkunotkun, kostnaði og raunhæfni aðferða við íslenskar aðstæður.