Ís­lenskt grjót

Markmið verkefnisins er að kanna hvernig íslenskt steinefni megi nýta markvissar í íslenskum arkitektúr með því að tengja saman byggingarsögu, erlendar fyrirmyndir og möguleika nútímatækni. Verkefnið felur í sér greiningu á sögulegri og samtímalegri notkun steins í mannvirkjum hérlendis og erlendis. Jafnframt er skoðað hvernig hefðbundnar aðferðir við steinhleðslu og grjótnotkun megi þróa áfram með nútímatækni. Teknar verða saman lausnir og settur fram katalóg með hugmyndum um notkun íslensks grjóts, mó og vikurs. Áhersla er lögð á endurnýtanleika, efnislega eiginleika, orkunotkun og ábyrg nýtingu náttúruauðlinda.