Verk­efn­ið er í vinnslu, áætl­uð skil eru 8. apr­íl 2026.

Markmið verkefnisins er að hanna og þróa gagnagrunn sem heldur utan um upplýsingar um raka- og mygluskemmdir í íslenskum byggingarmannvirkjum. Lagt verður upp með að safna saman gögnum og skýrslum sem þegar hafa verið unnar um myglu í byggingum og greiningu á mygluvandamálum. Gagnagrunnurinn mun nýtast til að varpa ljósi á helstu ástæður myglumyndunar og skapa grundvöll fyrir markvissar lausnir við þessu umfangsmikla vandamáli, svo sem betri fræðslu, bætt regluverk og eftirlit með nýbyggingum, notkun nýrra eða annarra byggingarefna, breyttar byggingaraðferðir og gerð markvissra aðgerðaáætlana.