Hlutverk Húsnæðis- mannvirkja- og skipulagsstofnunar er að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi. Að stuðla að stöðugleika á húsnæðismarkaði og tryggja almenningi aðgengi...

Húsnæðis- mannvirkja- og skipulagsstofnun

Skráðu þig á póstlista HMS og fáðu allar nýjustu fréttir sendar í pósthólfið þitt.

Póstlisti HMS

Fræðsla og forvarnir

Gögn og mælaborð

Brunavarnir

Burður

Byggingarreglugerð

Byggingarvörur

Fagaðilar í mannvirkjagerð

Fasteignaskrá

Húsnæðisáætlanir

Húsnæðisbætur og leigumál

Landeignaskrá

Lán til einstaklinga

Lán til lögaðila

Lífsferilsgreining (LCA)

Mannvirkjarannsóknasjóður - Askur

Mannvirkjaskrá

Markaðseftirlit

Rafmagnsöryggi

Rb-blöð

Skipulag

Stofnframlög

Umhverfismat

Þjónustuflokkar

Húsnæðisbætur

Lánavefur

Öryggi mannvirkja

Sveitarfélagsgátt

Um HMS

Fréttir

Gjaldskrá HMS

Lög og reglugerðir

Umsóknir og eyðublöð

Útgefið efni

Vaxtatafla

Nýjar leiðbeiningar HMS fjalla um hvernig draga megi úr hættu á tjóni þegar húsnæði stendur tímabundið autt

Áhersla er lögð á undirbúning og lokun húsnæðis, reglubundið eftirlit á lokunartíma og örugga enduropnun

Leiðbeiningarnar taka mið af íslenskum aðstæðum og nýtast eigendum og rekstraraðilum íbúðar-, þjónustu- og atvinnuhúsnæðis

HMS hefur gefið út nýjar hagnýtar leiðbeiningar um rekstur húsa sem standa tímabundið auð. Leiðbeiningarnar má nálgast með því að smella á hnappinn hér að neðan.

Rekstur húsa sem standa tímabundið auð

Leiðbeiningarnar eru ætlaðar eigendum og rekstraraðilum húsnæðis og veita hagnýt ráð um undirbúning, eftirlit og enduropnun. Markmiðið er að draga úr hættu á meðal annars vatns- og frosttjóni, raka og myglu, bruna, innbrotum og öðrum skemmdum meðan húsnæði er ekki í notkun.

Leiðbeiningarnar fjalla um þrjá megináfanga: undirbúning og lokun húsnæðis, rekstur og reglubundið eftirlit meðan húsnæðið stendur autt og enduropnun þess þegar notkun hefst á ný.

Sérstök áhersla er lögð á skýra ábyrgð, skipulagt eftirlit, skráningu og örugga meðferð tæknikerfa á lokunartíma.

Leiðbeiningarnar nýtast eigendum og rekstraraðilum íbúðar-, þjónustu- og atvinnuhúsnæðis. Þær taka mið af íslenskum veðuraðstæðum, svo sem frosti, hlákum, slagregni og hvassviðri, sem geta aukið hættu á tjóni þegar húsnæði stendur autt og regluleg viðvera er lítil eða engin.

Markmiðið með leiðbeiningunum er að styðja eigendur og rekstraraðila við að varðveita húsnæði með öruggum hætti á lokunartíma, draga úr líkum á kostnaðarsömu tjóni og auðvelda örugga og farsæla enduropnun þegar húsnæðið er tekið aftur í notkun.

Nýjar hagnýtar leiðbeiningar frá HMS um rekstur auðra húsa

Endurreikningur húsnæðisbóta byggir á nýjustu tekju- og eignaupplýsingum frá Skattinum

Húsnæðisbætur eru endurreiknaðar fjórum sinnum á ári samkvæmt lögum

Umsækjendur fá bréf á island.is á næstu dögum ef breyting verður á bótafjárhæð

HMS framkvæmir endurreikning á öllum virkum umsóknum um húsnæðisbætur í dag, þann 17. júlí. Endurreikningurinn byggir á nýjustu tekju- og eignaupplýsingum frá Skattinum og er liður í reglubundnu eftirliti með húsnæðisbótum.

Við endurreikning húsnæðisbóta er gerð ný tekjuáætlun á grundvelli fyrirliggjandi gagna, þar á meðal upplýsinga úr staðgreiðsluskrá Skattsins, eignaupplýsinga og annarra forsenda sem geta haft áhrif á rétt til húsnæðisbóta.

Samkvæmt lögum um húsnæðisbætur ber HMS að framkvæma endurreikning húsnæðisbóta fjórum sinnum á ári. Markmið endurreikningsins er að tryggja að bótafjárhæð taki mið af réttum og uppfærðum upplýsingum um tekjur, eignir og aðrar forsendur umsækjenda.

Umsækjendur sem verða fyrir breytingu á bótafjárhæð í kjölfar endurreikningsins munu fá sent bréf með niðurstöðu nýrrar tekjuáætlunar á island.is á næstu dögum. HMS hvetur umsækjendur til að kynna sér niðurstöður endurreikningsins þegar bréfið hefur borist.

Ef spurningar eða athugasemdir vakna vegna nýrrar tekjuáætlunar er hægt að hafa samband með tölvupósti á hms@hms.is eða í síma 440 6400.

HMS endurreiknar húsnæðisbætur í dag

Um 29% fullorðinna eru á leigumarkaði í ár

Hlutfallið hækkaði lítillega frá því síðasta haust

Vísbendingar eru um að ungt fólk hafi flutt úr foreldrahúsum og farið á leigumarkað

Gera má ráð fyrir að um 29% fullorðinna einstaklinga séu á leigumarkaði hér á landi miðað við 28% í fyrra, á meðan hlutfall ungs fólks í foreldrahúsum hefur lækkað á milli ára. Þetta er á meðal þess sem kemur fram í nýrri búsetukönnun HMS og fjallað verður um í mánaðarskýrslu HMS fyrir júlímánuð sem gefin verður út í næstu viku.

Litlu fleiri á leigumarkaði í ár en í fyrra

Niðurstaða búsetukönnunar HMS byggir á samanteknum upplýsingum úr búsetumælingum meðal könnunarhóps Prósents og sérstakri búsetumælingu meðal aðfluttra félagsmanna Eflingar, VR og Einingar-Iðju. Gögnum var safnað frá febrúar fram í maí 2026. Á mynd hér að neðan má sjá hvernig stærð leigumarkaðar hefur þróast undanfarin ár á ólíka mælikvarða.

Líkt og myndin sýnir hækkaði hlutfall einstaklinga á leigumarkaði um eitt prósentustig á milli kannana og mælist það nú 29%. Til samanburðar var hlutfall einstaklinga á leigumarkaði á milli 13% og 23% í svörum úr lífskjararannsókn Hagstofu frá árunum 2004-2016.

Hlutfallslega fleiri eru á leigumarkaði í Reykjavík samanborið við hin sveitarfélögin á höfuðborgarsvæðinu og landsbyggðina. Um 37% fullorðinna búa í leiguhúsnæði í Reykjavíkurborg á meðan hlutfallið er 26% í nágrannasveitarfélögum Reykjavíkur og 21% á landsbyggðinni. Að sama skapi búa hlutfallslega fleiri í eigin húsnæði utan Reykjavíkur, eða um 73% á landsbyggðinni og 61% í nágrannasveitarfélögum Reykjavíkur samanborið við 52% í Reykjavík.

Ungt fólk úr foreldrahúsum á leigumarkað

Vísbendingar eru um að ungt fólk hafi í nokkrum mæli flutt úr foreldrahúsum og farið inn á leigumarkað á milli kannana. Þar munar mestu um breytingar í búsetu innfæddra Íslendinga, en minni breytingar hafa orðið á búsetudreifingu aðfluttra á milli ára.

Samkvæmt niðurstöðum úr nýrri búsetumælingu HMS búa nú um 37% einstaklinga á aldrinum 18-24 ára í foreldrahúsum samanborið við um 47% í fyrra. Á sama tíma hefur hlutfall einstaklinga á leigumarkaði hækkað úr 34% í 45%, líkt og sjá má á myndinni hér að neðan. Einungis lítill minnihluti einstaklinga á þessum aldri býr í eigin húsnæði, eða um 10%.

Litlar breytingar urðu á búsetudreifingu aðfluttra ungmenna á milli ára þar sem hlutfall einstaklinga á leigumarkaði hækkaði úr 71% í 73% og hlutfall einstaklinga í foreldrahúsum lækkaði úr 16% í 14%. Hlutfall einstaklinga í eigin húsnæði hélst stöðugt í 4%. Talsvert meiri breytingar urðu hins vegar á búsetudreifingu innfæddra ungmenna þar sem hlutfall einstaklinga á leigumarkaði hækkaði úr 23% í 32% á milli ára á sama tíma og hlutfall einstaklinga sem búa í foreldrahúsum lækkaði úr 58% í 48%. Hlutfall einstaklinga sem býr í eigin húsnæði lækkaði lítillega úr 13% í 12%.

Nánar verður fjallað um hlutfall ungs fólks sem býr í foreldrahúsum hér á landi og það sett í alþjóðlegt samhengi í nýrri mánaðarskýrslu sem kemur út í næstu viku.

Hlutfall einstaklinga á leigumarkaði hækkar lítillega

Þinglýstir kaupsamningar um íbúðarhúsnæði voru 780 í maí

Sameignarsjóðir eiga hlut í 44 íbúðum á höfuðborgarsvæðinu

Meðalfermetraverð íbúðanna hefur verið á pari við söluverð sambærilegra íbúða undanfarið ár

Enn hafa fáar íbúðir selst með sameignarfyrirkomulagi, en fermetraverð þeirra íbúða sem hafa selst með því fyrirkomulagi hefur ekki verið frábrugðið öðrum sambærilegum íbúðum. Þetta er á meðal þess sem fjallað verður um í mánaðarskýrslu HMS fyrir júlímánuð sem kemur út í næstu viku.

Kaupsamningar í maí voru færri en undanfarin ár

Þinglýstir kaupsamningar um íbúðarhúsnæði voru 780 í maí síðastliðnum. Það eru færri kaupsamningar en í sama mánuði undanfarin tíu ár, ef frá er talið árið 2023 þegar 731 kaupsamningi var þinglýst.

Tæplega 62% þinglýstra kaupsamninga í maímánuði vörðuðu íbúðir sem staðsettar eru á höfuðborgarsvæðinu sem er í samræmi við dreifingu íbúðastokksins eftir landsvæðum. Þinglýstum kaupsamningum fækkaði þó um 5% á milli mánaða á höfuðborgarsvæðinu á sama tíma og þeim fjölgaði um 17% í nágrenni höfuðborgarsvæðisins og um 12% annars staðar á landsbyggðinni.

Útbreiðsla sameignarfyrirkomulags er enn takmörkuð

Tíu mánuðir eru nú liðnir frá því að svokallað sameignarfyrirkomulag var fyrst kynnt til sögunnar hér á landi. Þar bjóðast fjárfestingasjóðir á vegum byggingarfyrirtækja til að taka þátt í kaupum einstaklinga á nýjum íbúðum úr eigin smiðju byggingaraðilanna. Útbreiðsla fyrirkomulagsins er enn takmörkuð en í upphafi júlímánaðar áttu fimm fjárfestingasjóðir á vegum byggingaverktaka hlut í 44 íbúðum á höfuðborgarsvæðinu.

Flestar íbúðirnar eru staðsettar í Garðabæ (43%) og í Hafnarfirði (41%) auk nokkurra íbúða í Reykjavík (16%). Einungis nýjar íbúðir standa kaupendum til boða með sameignarfyrirkomulaginu, en meirihluti íbúðanna sem fjárfestingarsjóðirnir eiga hlut í er með byggingarár 2025. Aðrar íbúðir eru með byggingarár 2023, 2024 og 2026.

Meirihluti íbúðanna eru á bilinu 70 til 99 fermetrar að stærð en fimmtungur þeirra er á bilinu 100 til 129 fermetrar, líkt og sjá má á myndinni hér að neðan. Lítill hluti íbúðanna er minni en 70 fermetrar að stærð og enn færri eru 130 fermetrar eða stærri.

Kaupverð sameignaríbúða á pari við aðrar sambærilegar íbúðir

Kaupverð íbúðanna sem sameignarsjóðirnir eiga hlut í hefur verið á bilinu 59 til 119 milljónir króna, en meðalkaupverðið hefur verið um 79 milljónir króna. Fermetraverðið hefur verið allt frá 680 þúsund krónum upp í tæplega 1.100 þúsund krónur, en helmingur íbúðanna voru keyptar á fermetraverði á bilinu 900 til 999 þúsund krónur, líkt og sjá má á myndinni hér að neðan. Um 28% íbúðanna voru keyptar á fermetraverði á bilinu 700 til 899 þúsund krónur en einungis lítill hluti á fermetraverði undir 700 þúsund krónum eða yfir milljón krónum. Miðgildi fermetraverðs er rúmlega 920 þúsund krónur.

Heilt á litið hefur meðalfermetraverð þeirra íbúða sem sameignarsjóðirnir eiga hlut í verið á pari við meðalfermetraverð í kaupsamningum um sambærilegar íbúðir síðastliðið ár, þ.e. fjölbýlisíbúðir með byggingarár frá 2023 til 2026 í Reykjavík, Hafnarfirði og Garðabæ. Í kaupverðsjá HMS má nálgast upplýsingar um kaupsamninga úr kaupskrá auk samantekinna upplýsinga um fjölda kaupsamninga og miðgildi fermetraverðs eftir mánuðum.

Hægt er að nálgast helstu niðurstöður og reikniaðferðir nýs fasteignamats í nýútgefinni fasteignamatsskýrslu

HMS reiknar árlega fasteignamat fyrir allar fasteignir á Íslandi

Fasteignamat endurspeglar áætlað markaðsvirði fasteigna

HMS birti nýtt fasteignamat fyrir árið 2027 þann 2. júní síðastliðinn. Fjallað var um helstu niðurstöður matsins í frétt á vef HMS auk þess em matið var kynnt á opnum fundi í húsakynnum HMS, en upptöku af fundnum má nálgast með því að smella hér. 

Fasteignamatsskýrsla fyrir árið 2027 er nú komin út. Skýrslan inniheldur útskýringar á öllum reikniaðferðum fyrir fasteignamat 2027. Aðferðirnar skiptast niður í íbúðamat, atvinnumat, sumarhúsamat, markaðsleiðrétt kostnaðarmat og verðflokkamat. Hægt er að nálgast skýrsluna með því að smella á hnappinn hér að neðan.

Í skýrslunni er meðal annars fjallað um svokölluð matssvæði. Matssvæðum er ætlað að endurspegla staðsetningu sem er ein mikilvægasta breytan þegar kemur að virði fasteigna. Undirmatssvæðum er enn frekar ætlað að ná utan um sértæk staðsetningaráhrif, svosem nálægð við sjó eða umferðarþungar götur. Á myndinni hér að neðan má sjá dæmi um matssvæði og undirmatssvæði í neðri byggðum Reykjavíkur. Lituð svæði tákna matssvæði en hvít svæði tákna undirmatssvæði.

HMS birtir fasteignamat næsta árs í lok maí eða byrjun júní ár hvert, miðað við áætlað markaðsvirði í síðastliðnum febrúar. Fasteignamat 2027 miðast því við verðlag fasteigna í febrúar 2026 og tekur gildi 31. desember 2026.

Fasteignamat skal vera eins góð nálgun á markaðsvirði og fýsilegt er hverju sinni, þó þannig að það sé sanngjarnt og hóflegt. Til þess eru útbúnar reikniaðferðir sem reikna út líklegt markaðsvirði fasteigna en útskýring á aðferðunum má finna í þessari skýrslu.

Fasteignamatsskýrsla fyrir árið 2027 er komin út

Fasteignamatsskýrsla fyrir árið 2027 er komin út

Póstlisti HMS

Útgáfuáætlun

Fasteignamatsskýrsla 2027

Póstlisti HMS

Útgáfuáætlun

Fleiri fréttir

Nýjar hagnýtar leiðbeiningar frá HMS um rekstur auðra húsa

HMS endurreiknar húsnæðisbætur í dag

Hlutfall einstaklinga á leigumarkaði hækkar lítillega

Útbreiðsla sameignarfyrirkomulags er enn takmörkuð

Fleiri fréttir

Nýjar hagnýtar leiðbeiningar frá HMS um rekstur auðra húsa

HMS endurreiknar húsnæðisbætur í dag

Hlutfall einstaklinga á leigumarkaði hækkar lítillega

Útbreiðsla sameignarfyrirkomulags er enn takmörkuð