Skim­un á ör­ver­um í ryki í inni­lofti

Ryksýni úr 40 mismunandi híbýlum voru tekin og þau send í qDNA rannsókn. Mæld var svörun og skimað eftir myglusveppum, frjókornum, örverunum og ættkvíslum þeirra. Þær tegundir sem skimað var eftir voru: Acremonium strictum, Alternaria alernata, Aspargillus fumigatus, Aspargillus glaucus, Aspargillus niger, Aspargillus versicolor, Chaetomium globosum, Cladosporium cladosporides, Cladosporium herbarum, Cladosporium sphaerospermum Mucor/Rhizopus hópum, Penicillium chrysogenum, Penicillium expansum, Rhizopus stolonifer, Streptomyces hópum, Tricoderma viride, Ulocladium chartarum og Wallemia sebi.

Upplýsingar mannvirkis voru merktar í gátlista m.a. út frá byggingarári og tegund byggingarefna. Heimilisföng voru geymd og skráð fyrir nánari gagnavinnslu á seinni stigum. Heimilisföng voru ekki birt í skýrslu vegna persónuverndarsjónarmiða á grundvelli 9. gr. upplýsingalaga nr. 140/2012.

Ekki var lagður fram tæmandi listi um tölulegt magn allra mældra myglusveppa í hverju sýni vegna einkaréttar á rannsóknaraðferðum Housetest A/S á grundvelli 9. gr. upplýsingalaga nr.140/20121.

Byggingartæknifræðingur Mannvirkjastofu ehf. annaðist sýnatöku eftir forskrift Houstest greiningaraðila sem framkvæmir qDNA greiningu. Niðurstöður voru rýndar af innivistfræðingi WSP A/S og Ramboll A/S í Danmörku. Sýnatökustaðir voru stofnanir, eignir til sölu á fasteigasölum og í eigu almennings.